بسم الله الرحمن الرحيم
مراحب شباب وشيبان منتدى بلي
فيعني يا شباب كحسب خبرتي بالتطعيس والهوايتي المفضله اعطيك بعض الدروس اللي اعرفها وهي:<<<<<< اخلصنا بس تقعد تهايط.
الدرس الاول: اذا حاب تطعس ولا تعرف ابدا يا طويل العمر وقف على الشارع عشان ماتغرز على طول ههههههه هذا اذا كان معك سياره ماهي مدبله المهم نسم يا طويل العمر على الهوا 10 وخش الطعوس وانت مريح السياره ولا تقعد تزرزر عشان ما تحرق الصحنه تدرب اول شيء على التمشيه بالطعوس الين ما تتعلم .
الدرس الثاني: تبي تطلع طعس اول شي تكون سيارتك مرفعه الى حد ما مو تكون ساحب ام السستات وداخل تشق طعوس المهم هي طبعا على حسب الطعس وقلب السواق شق الطعس مافيه اسهل منه . ههههههههه يبي يخلص الدرس على طووول.
الدرس الثالث: تبي تقوس طعس يعني تسيف مادري وش تسمونه خذ الطعس من يمين ولا يساره وخذ الطعس جنابي ولا تفكر انك تقلب ابدن مهما كانت سيارتك وقوس الطعس وانت مرتاااااح.
طبعا يا شباب التطعيس ما يبيله شيء سهل جدا لكن انا بعطيكم دروس للتغريزات وهي:
الدرس الاول:لا غرزت بسكريه لا تسوي شيء انزل من السياره وافرش الكفرات فررررش واقعد ياطويل العمر نقز بهالسياره ريوس قدام ريوس قدام وتاكد ان الكفرات ماتحفر بالارض ولا تنقز الا بالثاني الواحد لاتقربله ابد الين ما تطلع عاد واذا ما طلعت دق على اخوياك يقلصونك وامش وخلها مستورة صرفها قل انقطعت بنزين وهي مغرزه ههههههههههههههههه.
الدرس الثاني: لاغرزت وانت تقوس ابدا يا طويل العمر احفر الكفرات الاماميه على تحت واقعد دفدف فيها من قدام مع بعض العزم من السياره وحاول حتى تطلع.
الدرس الثالث: لا شقيت سيف وعلق الشاصي حق سيارتك فيه احفر تحت استبنة السياره وحط رجليك على الاستبنه الين ماتطلعها وتسلك الكفرات الخلفيه وادعسلها.
وهذا يا شباب بعض الدروس لتطعيس وللتغريز بس هذي اذا كانت سيارتك غير مدبله وان شاء الله قريبا لقطات دروس مني لكم من تطعيسي ان شاء الله مع الصور ...
تقبلوا تحياتي[/color][/COLOR]
