السلام عليكم ...هذه محاوله شعريه اتمنى انها تعجبكم واتمنى اذا كان فيها كسور او خلل انكم توجهوني
طير ومدينه
مين يذكر في فضا دنيا بها الدنيا مدينه
من ورا علم البشر ياما ضاع بالدنيا مداين
بحرها ظلمه وشواطي بحرها ظلمه حزينه
وكل شبر من ثراها فيه للعبره خزاين
ما وصلها خلق خالق قدرته نجت سفينه
ابعد من الشمس كوكب في اساطير الجناين
خاليه من كل نبته ولابسه من الدم زينه
باهره بالحسن وحشه للظلام وللمعاين
تحتمي في ملك شخصٍ ضاعت ايامه رهينه
ينبش الاسرار يمكن يلتقي باهل المداين
كان ياما كان في وقت مضى واقفت سنينه
طير توهه الضما وضيع دروب السكاين
دار في ذا الكون كله مالقى احدٍ يعينه
لين صار الموت رحمه فيه صار النور باين
فجأه في وسط العواصف بانت اسوارٍ ثخينه
وداخل الاسوار نهرٍ يحيي من قد كان كاين
لاكن الاسوار تمنع ذرة الرمل الهشينه
وصاحب الاسوار يحذر دبة النمل الحناين
قام يبكي طيرنا من علم محنا جاهلينه
لاكن الله حكمته من فوق علم الكون حاين
هبت النسمات تنذر انت يا راع المدينه
الغريب ان كنت ترحم حالته انظر وعاين
التفت للصوت شاف اجمل ملاكٍ شاف عينه
طير سحره ساحر ويسحر سحر كل المداين
ابتسمله لانظر له وفي دلالٍ صد عينه
الف سهم وسهم في جوفه وسدته الطعاين
ارتبك مذعور نظره منها ترجف يدينه
سهم نون العين اقسى من قذايف بالهواين
اجهري بالصوت عالي وانذري آدم بعينه
قولي نظره بالعيون الموت سمه فيك حاين
خلي منهو قد تباهى من غروره تخضعينه
خلي سلاح العيون يحطم قلاع المداين
الا يا بحر هايج ترفق ضاعت ببطشك سفينه
طاغي الامواج ضيع للأمل درب المواين
لما كان الموت رحمه كنتي لعيوني امينه
لما صرت آنا المعلق وين رحتي يالأماين
قولي ون باقي بهلاكي لو سرابٍ تهلكينه
قولي ون باقي بنحولي شوفي فيني العظم باين
من تعلق بالهوى لو كان بحصونٍ حصينه
يبشر بنارٍ تلظى تنسف عظام الحصاين
ومن يردد في صلاته صورة التوبه بدينه
يدري ان الحب كافر وشرعه الالحاد خاين
ضعت يا دنيا العنا من بينهم ريا وسكينه
ملتحف بالنار واسأل وين اساطير الجناين
خاليه من كل نبته لابسه من الدم زينه
قلبي الي كل شبر فيه للعبره خزاين
على وين ياطير الهنى طاير بمفتاح المدينه
تترك بقلبي هموم الكون بين يدين كاين
قل اسافر قلت بانسا قلت ماضي وكارهينه
قلت وكل انسان يخطي والخطا لا يكون شاين
قلت شرق الارض ظلمه وبالظلام ماتشوف عينه
وقلت يمكن غربها بتنور شموع المداين
لا ياعمري لا كفايه حتى بصلاته له قرينه
يرغي بشوقه انين ويزبد بصدك طعاين
يا دروب الكون سرنا بكل درب وعارفينه
الا درب القلب ضيع فالبشر دين وداين
لا تلوميني يادنيا بالعنك دنيا لعينه
لي على الدنيا لعاين في لعاين في لعاين
صاحبي زاغ النظر من يوم زاغو ناظرينه
يحسب اني في كلامي له اعاين .. ليه اعاين؟
انا ما رفع رمشي مديح ولا هوى بنجمي ضغينه
يوم انا اشوف البشر .. صغار ياقلوب الضغاين
مجمل الاصحاب كذبه .. والقرايب شوك تينه
ون ابتسم مخلوق فيهم سم سنه لي سناين
لا على الدنيا سلام ولا لباقي العمر زينه
يالله يا قلبي سرينا .. كل من في الكون خاين
وسلااااااااااااااامتكم
