قصيدة بمناسبة زيارة الشيخ احمد بن رفاده لثربه

بسم الله الرحمن الرحيم






السلام عليكم ورحمة الله وبركاته






اعتذر عن انقطاعي في الفتره الماضيه






ولكن تأكدو انه كان انقطاع عن وضع مواضيع ليس عن المتابعه





هذي قصيده بمناسبة

زيارة الشيخ احمد بن رفاده

لاهل قرية ثربه المواهيب

في ضيافة الشيخ ابن دغيمان

.

.

.

أنا عن مراقيب الطويله مضى لي عام=وأنا اليوم جا لي لازمٍ به وعديته
سمعت البشاير عن خبر ضيفنا المقدام=وتناخا القصيد وقلت يارجم يا ليته
نهضت الجناح وحمت يوم النداوي حام=على عز يا ريش السعد يوم فليته
البس قصيدي ذكر شيخ الشمل بوسام=وأنا عارف قدر المقام وحجم صيته
هلا مرحبا بضيوفنا في محل كرام=هلا وكل طيّب حاضرٍ ما تناسيته
حضور الرجال الطيبه يبعد الأوهام=عسا الله يديم اللي دعاهم وجو بيته
وحنا مواهيبٍ بوقت اللزوم حزام=يشوش الولد للطيب من طيب تربيته
شيوخ الشمل نفخر بهم وابرك الأيام=يزورونّا فيها وللعلم تثبيته
نجدد محبتنا ونظراتنا قدام=وجمع الشمل لأصحابنا كم تمنيته
لو اليوم ينبينا عن أخبار عام العام=فتحت المجال لهاجسي واستفزيته
إذا كان في راكان تفخر قبيلة يام=سليمان باشا مر ذكره وحييته
مشوله جيوش الترك من هيبته خدام=تواصوا على مرضات رايه وتلبيته
فزع للشيوخ اللي على ساحة الاعدام=كسبها في الدنيا وحصدها بتاليته
وبنا بيت ساسه من حجر يتعب الهدام=مكانه رفيع ووارث البيت هنيته
شيوخٍ مكانتهم قبل يطلع الأعلام=وقبل لا يصير الشيخ من كثر تصويته
لهم هيبة الفارس لهم نظرة الحكام=ما هو بيت طاري في ضميري وغنيته
يطول المجال وتنحني ريشة الأقلام=وأنا حقهم بكتابة الشعر ما أوفيته
لكنّ اعتذر والعذر يا شيخ مسك ختام=وأنا لي طلب قل تم وأقول لبيته
تعيد الزياره طال عمرك بدون إلزام=وشوف الكريم اكرام لا جاك وان جيته

تحياتي للجميع

محمد سلم الميهوبي

بيض الله وجهك ووجيه لمواهيب كلهم هل الحيزا هل الشجاعه والكرم والطيب

تسلم يالنشمي ويستاهل شيخ الشمل طول الله عمره وبارك به

وفقك الله اخي الغالي 0 وعادت الجزل لاياتي الا بالجزل 0

القصيده شامخه جميله تستحق القرائه مرات ومرات 0

وتقبل تحياتي وتقدير

دام عزكم

قصيده طيبه من طيب راعيها .......... نشكر الخ محمد سالم علي القصيده الجميله

البس قصيدي ذكر شيخ الشمل بوسـام
وأنا عارف قدر المقام وحجـم صيتـه
هلا مرحبا بضيوفنا في محـل كـرام
هلا وكل طيّب حاضـرٍ مـا تناسيتـه
حضور الرجال الطيبه يبعـد الأوهـام
\ الشاعر الرائع محمد سالم الميهوبي
\صح لسانك
قصيده شامخه صح لسانك والف نعم بك وبالمواهيب والشيخ احمد بن رفاده طول الله عمره يستاهلون وانت الابداع ماهو غريب عليك دمت بعز وداااامت مسراااااتك

بيض الله وجهك يالغالي
وقصيده رائعه بروعتك أخي أبو سعد البلوي

ماقصر ابو سعد وهذي عوايده
ابن عمك محمد منصور