قـــــلــــــــة أدب ......
بسم الله الرحمن الرحيم
وجدت هذه الرساله في بريدي و اردت ان تشاركوني قراءتها ...
قــــــــــــــــــــلـــــــــــــــة أدب !!!
إنك تروح للمسجد بملابس رياضة أو قميص نوم بينما تروح لربعك بثوب مكوي وطيب يشق الخشم !!!
قــــــــــــــــــــلـــــــــــــــة أدب !!!
إنك تتصل على ربعك كل يوم وعادي تقعد معه نصف ساعة أو أكثر بينما عمك أوخالك أو عمتك أو خالتك لهم شهور ماسمعوا صوتك !!! من زينك أنت وصوتك
قــــــــــــــــــــلـــــــــــــــة أدب !!!
تدور بسيارتك بالساعات وماتخلي شارع ما ( شبرته ) وحفظته وكل هالدوران غالبا لأسباب ( قليلة أدب ) بينما أهلك لويبون مشوار ساعة وحدة قلت : ( الليموزينات واجد!!!)
قــــــــــــــــــــلـــــــــــــــة أدب !!!
إن شيريهان تسوي عملية والجرايد والقنوات تسوي مناحة بينما الشيخ السحيباني يقتل ونصف العالم مادروا !!!
قــــــــــــــــــــلـــــــــــــــة أدب !!!
إن اللاعبين والمطربين يكرمون ويغرقون بالخيرات بينما المشايخ ربك يستر ياكثر ماينسجنون !!!
قــــــــــــــــــــلـــــــــــــــة أدب !!!
إن الواحد يضبط ساعته على الدوام بينما صلاة الفجر مايدري متى وقت أذانها !!!
قــــــــــــــــــــلـــــــــــــــة أدب !!!
إن الواحد يشتري الأغاني بالشيء الفلاني ويسمعها بينما مستحيل يشتري شريط إسلامي ولو بخمسه ريال ولو يهديه واحد شريط إسلامي سجل عليه ( بابا فين ) !!!
قــــــــــــــــــــلـــــــــــــــة أدب !!!
اذا جيتي تطلعين لعرس او لصديقاتك تتزينين وتتعطرين واذا جلست عند زوجك تقعدين بوساختك وريحتك بصل
قــــــــــــــــــــلـــــــــــــــة أدب !!!
ان الوحده تقعد على التلفون ساعه وتقعد في صلاتها دقيقه
قــــــــــــــــــــلـــــــــــــــة أدب !!!
اذاطلعت البنت من البيت وهي كاشخه وريحة عطرها واصله اخر الشارع وتقول للشباب لا تلحقوني
قــــــــــــــــــــلـــــــــــــــة أدب !!!
إن الواحد يشوف ( قلة الأدب ) ولايقول عنها ( قلة أدب ) !!!
[b]قــــــــــــــــــــلـــــــــــــة أدب !!!
قلة ادب انك تحصل واحد يحترم الناس كلها الا امه او ابوه تلقاه يكلمهم بطرف خشمه
قــــــــــــــــــــلـــــــــــــة أدب !!!
قلة ادب انك تشتري كل اللي نفسك فيه ويوم يجي طاري الحج او العمره قلت انا ما عندي فلوس وانا غير مقتدر
قـــــــــــــــــــلــــــــــــــة أدب !!!
قلة ادب انك تكون جالس في المدرج وتسمع الاذان ومن بعدها الاقامه وانت مكانك وكأنك مثبت بمليون مسمار على كرسييك
قـــــــــــــــــــلــــــــــــــة أدب !!!
لماتشوف واحد في الشارع وتستصغره ولا تسلم عليه
قـــــــــــــــــــلــــــــــــــة أدب !!!
اذا شفت صديقك في ورطه ولاتساعده
قـــــــــــــــــــلــــــــــــــة أدب !!!
اذا قدم لك صديقك خدمه وأنكرت فضله عليك
قــــــــــــــــــــلـــــــــــــــة أدب !!!
انك تحط سيارتك عند باب جارك ..وعندك مكان ابعد شوي..
قــــــــــــــــــــلـــــــــــــــة أدب !!!
لما تجلس بمكان عام تتقهوى انت وعيالك..وتقومون وزبايلكم وراكم..
مع ان صندوق الزباله حولك...
قــــــــــــــــــــلـــــــــــــــة أدب !!!
انك تكون مسئول عن عمل يتوقف اداؤه عليك..وتطنش وتتأخر
ويتحمل الباقين مسئولية إهمالك
قــــــــــــــــــــلـــــــــــــــة أدب !!!
انك تطولي لسانك على الشغاله..وهي بسن امك علشان شغله ممكن تسويها بنفسك((ليس منا من لم يوقر كبيرنا))
قــــــــــــــــــــلـــــــــــــــة أدب !!!
لما ترفعي صوتك بالسيارة ومع السواق وتضحكين وتقهقهين ..وكأنه محرم لكِ
و تفتشين للدكتور عاااادي...وكنه من بئية اهلك<-----قلبت مصري
قــــــــــــــــــــلـــــــــــــــة أدب !!!
لما تعزمين صديقاتك وتخلين الوالده تسوي قهوتكم وتجيبها لكم..وتسوي عشاكم ..وانتي مشغوله بالسواليف
قــــــــــــــــــــلـــــــــــــــة أدب !!!
لما ترفضين شريط اسلامي او كتيب من احد الدعاة..بينما لو اعطاك شريط لمطرب العرب كان ماتدرين شلون تشكرينه
قــــــــــــــــــــلـــــــــــــــة أدب !!!
انك متعلم وحاصل على شهاداة عليه..وماتفقه اقل شي في دينك
قــــــــــــــــــــلـــــــــــــــة أدب !!!
أنه مانشوف القرآن إلا من الجمعه للجمعة عشان الكهف ..
قــــــــــــــــــــلـــــــــــــــة أدب !!!
..
أن نسهرساعه على النت ولانصلي لو ركعة لله
و اضيف :
ان من قلة الادب
ان يستخف الانسان دمه و هو ثقيل دم ..
و ان يدخل الانسان المنتدى باكثر من اسم و هو يعتقد انه يضحك على الناس او يستغفلهم ...
و ان يتم عمل مسرحيه معينه في منتدى ما باكثر من اسم و القائم عليها شخص و احد و هو يعتقد انه ذكي و من حوله اغبياء و تنطلي عليهم مثل هذه الحركات ...
و ان يدخل رجل في المنتديات باسم امرأه او العكس ...
................وياكثر قلة الأدب نسأل الله العافيه.................
مشكوووووووووووور اخوي على الموضع
والصراحه موضوع حلوووووووو
والله يعطيك العافيه
ننتظر المزيد
اختك:ساره
