من قصائدالشاعر بديوي الوقداني رحمه الله

أيامنـا والليـالـي كــم نعاتبـهـا =شبنا وشابت وعفنا بعض الأحوالـي
تاعـد مواعيـد والجاهـل مكذبـهـا =واللي عرف حدها من همهـا سالـي
إن أقبلت يوم مـا تصفـى مشاربهـا = تقفي وتقبل وما دامـت علـى حالـي
فـي كـل يـوم تورينـا عجايبـهـا = واليوم الأول تراه احسن مـن التالـي
أيـام فـي غلبهـا وايـام نغلبـهـا = وايـام فيهـا سـوا والدهـر ميالـي
جربت الأيـام مثلـي مـن يجربهـا= تجريب عاقـل وذاق المـر والحالـي
نضحك مع النـاس والدنيـا نلاعبهـا = نمشي مع الفي طوعٍٍ حيث مـا مالـي
كم مـن علـومٍ وكـم آدآب نكسبهـا =والشعـر مـازون مثقـالٍ بمثقالـي
اعرف حروف الهجاء بالرمز واكتبها =عاقل ومجنون حاوى كـل الأشكالـي
لكـن حظـي ردي والـروح متعبهـا = ما فادني حسن تاديبـي مـع أمثالـي
إن جيت ابي حاجةٍ عـزت مطالبهـا =العفو من واحدٍ في الناس يـا والـي
قومٍ الـى جيتهـم رفـت شواربهـا = بالضحك واقلوبها فيهـا الـردا كالـي
وقومٍ الى جيتهـا صكـت حواجبهـا = وابدت لي البغض في مقفاي واقبالـي
مـا كنـي إلا فيهـا حـال مغضبهـا = والكل فـي عشرتـه ماكـر ودجالـي
يا حيف تخفي أموراً كنـت حاسبهـا =واللي على بالهـم كلـه علـى بالـي
الجـار جافـي وكـم قـومٍ محاربهـا = والأهل وأصحابنـا والـدون والعالـي
والنفس وش عذرها في ترك واجبهـا = راح الحسب والنسب في جمع الأموالي
نفسي تبى العز والحاجـات تغصبهـا = ترمي بهـا بيـن أجاويـد وانذالـي
المـال يحـي رجـالاً لا حيـاة ابهـا = كالسيل يحي الهشيـم الدمـدم البالـي
عفت المنازل وروحي يـوم اجنبهـا = منها غنيمه وعنهـا البعـد أولا لـي
لا خير في ديرةٍ يشقى العزيـز ابهـا = يمشي مع الناس فـي هـمٍ وإذلالـي
دارٍ بهـا الخـوف دومٍ مـا يغايبهـا = والجوع فيها ومعها بعض الاحوالـي
جوعـى سراحينهـا شبعـى ثعالبهـا = ا لكلـب والهـر يقـدم كـل ريبالـي
عز الفتى راس ماله مـن مكاسبهـا = يا مرتضي الهون لا عـزٍّ ولا مالـي
دللت بالروح لين ارخصـت جانبهـا = وانا عتيبي عريـب الجـد والخالـي
قومٍ تدوس الافاعـي مـع عقاربهـا = وإلها عزايـم تهـد الشامـخ العالـي
خـل المنـازل وقـل للبيـن يندبهـا = يبكي عليهـا بدمـع العيـن هطالـي
لا تعمـر الـدار والقـالات تخربهـا = بيع الردي بالخساره واشتـر الغالـي
ما ضاقت الأرض وانسـدت مذاهبهـا = فيهـا السعـه والمراجـل والتفتالِـي
دارٍ بــدار وجـيـرانٍ نقـاربـهـا = وارضٍ بـأرض وأطـلالٍ بأطـلالـي
والناس اجانيب لين إنـك تصاحبهـا =تكون منهـم كمـا قالـوا بالأمثالـي
الارض لله نمشـي فــي مناكبـهـا =والله قـدّر لـنـا أرزاق وآجـالـي
حـث المطايـا وشرِّقهـا وغرِّبـهـا = واقطع بهـا كـل فـجٍّ دارسٍ خالـي
واطعن انحور الفيافـي فـي ترايبهـا = وابعد عن الهم تمسي خالـي البالـي
مـن كـل عمليـةٍ تقطـع براكبهـا = فدافـد البيـد درهــامٍ وزرفـالـي
تبعدك عـن دار قـومٍ ودار تقربهـا = واختـر لنفسـك للمنـزال منـزالـي
لو متّ فـي ديـرةٍ قفـراً جوانبهـا = فيها لوطيّ السباع الغبـس مدهالـي
اخير مـن ديـرةٍ يجفـاك صاحبهـا = كـم ذا الجفـا والتجافـي والتعلالـي
دوس المخاطر ولا تخشـى عواقبهـا = الموت واحـد وبعـد العـز يجلالـي
ان المنـايـا إذا مــدت مخالبـهـا = تدركك لو كنت في جو السما العالـي
ما قرت الأسد فـي عالـي مراقبهـا = تسعى على الرزق ما حنت للاشبالـي
والشمس في برجها والغيـم يحجبهـا = تقفي وتقبل لها في العـرش مجدالـيِ
رب السماوات يـا محصـي كواكبهـا = يا مجري السفن في لجات الأهوالـي
ضاقت بنا الأرض واشتبت شبايبهـا = والغيث محبوس يا معبود يـا والـي
يـا الله مـن مزنـةٍ هبـت هبايبهـا = رعّادها بات له فـي البحـر زلزالـي
ريح العوالي مـن المنشـا تجاذبهـا = جذب الدلى من جباء مطويـة الجالـي
ديمومـةٍ سبّلـت وأرخـت ذوايبهـا = وانهل منهـا غزيـر الوبـل همالـي
تسقي ديارٍ شديـد الوقـت حاربهـا = ما عاد فيها لبعـض النـاس منزالـي
يـا جاهـل اسمـع تماثيـلٍ مرتبهـا = فيها معانـي جميـع القيـل والقالـي
مثـل المحابيـب زادت فـي قوالبهـا =في صرفها زايده عن قرش واريالـي
يـا رب توبـه وروحـي لا تعذبهـا = يوم القيامه إذا مـا ضاقـت اعمالـي
وازكى صلاةٍ على المختـار نوهبهـا = شفيعنا يـوم حشـرٍ فيـه الأهوالـي





منقووووووووووووول

سالم مسلم البلوي هلا وغلا
تسلم على روعة القاف

الف شكر على هالنقل الجميل

الاخ /سالم مسلم البلويbye
يعطيك العافيه على النقل الرائع وننتظر منك المزيديابومسلم
تحياتي اخوك /سالم الوابصي