العفن لو ينباع باربع دنانير
قصيدة معبره للشاعر المرحوم/ عبدالله بن عوده العرادي البلوي المتوفى عام1419هـ
جنا جواب ارشيد مافيه تقصـــــــــــــير$$$$$$ جابه لنا مرساله اللي موصـــــيه
له عندنا واجب وحشمه وتقـــــــــــدير$$$$$$ يطلب بيوت جداد ياالله تحيــــــيه
ارشيد ربعه ينطحون الطوابـــــــــــــير$$$$$$ وكلن يعد بفعله اللي يســــــــــويه
خاض البحور اللي قطع سالم الزيـــــر$$$$$$ ولو كثرت الشدات حظه يبـــاريه
عاداته الجزلات ماهي تصـــــــــــــاوير$$$$$$ والمدح مايستاهله غير راعــــيه
خواله الشجعان ريف المسايـــــــــــــير$$$$$$ فكاكت المضيوم لانه طمع فــــيه
افعالهم ماهي حجاوي وتزويـــــــــــــر$$$$$$ رشيد له تاريخ كلن سمع فــــــيه
العد يعرف له رسوم ومصــــــــــــادير$$$$$$ لو طالت الايام تلقى رواســــــــيه
والكذب ماله ساس مثل المعاصــــــير$$$$$$ ولاينفع الهزلان ليله تعشـــــــــيه
واللي يشوف الناس مثل العصافــــير$$$$$$ يشره على هومات ماهي حواليه
ياخذ مع الدرب المزله مشـــــــــــاوير$$$$$$ ودرب الهدى جنب عنه مايلقــيه
ولو تطلبه حاجه عطاك المعــــــــاذير$$$$$$ مثل الهدف لنك رميته وتخطـــيه
من جالس الكوعان كنه على كـــــــير$$$$$$ لابد ماينفض شراره ويعمــــــــيه
وراع الحسد ماله علاج ودكاتــــــــير$$$$$$ قلبه مريض وداه محدن يـــداويه
واهل الشرف يسعون في نية الخــير$$$$$$ والنذل يفرح في مصايب بناخـيه
من زان فعله له شهامه وتقـــــــــدير$$$$$$ والا الخبيث يعل جاره ويغثــــــيه
ولاينكر المعروف غير الدناقــــــــــير$$$$$$ الطيب ماينفع بهم لو تســــــــويه
والعفن لو ينباع باربع دنانــــــــــــير$$$$$$ ربحان بياعه وخسران شــــــاريه
النقنقه يمشي بها الصبح وعصـــير$$$$$$ يبغى يفرقها على اللي حوالــــــيه
يحط بالمخلوق عيب ومعــــــــــــايير$$$$$$ ياقع محل التهلكه ويش يــــــدريه
آخر مصيره طاح في قاعة البـــــــير$$$$$$ مدت مقيط اللي رشاه انقطع فــيه
وصلاة ربي عد وبل الشخاتــــــــــير$$$$$$ على نبيا كل مذن ينــــــــــــــــــاديه
