<[ صــرخــة يـتــيمــه ]< [ صـرخـة يـتـيمـ9]< عبداللطيف الحمراني..!

بسم الله الرحمن الرحيم



أنـثـر اليـوم لكم احـدى قصآئـدي القديمـه ولـكنها المقربه لي بشكل خاص


وكلي امـل ان تلآمس عواطفـكم وان تنال استحسانكم وان ترقى لذائتقكم

!

شـفت طفله في ملامحها حـزينه = وشفت شيآ حاير بداخل شفاها
وشفت دمعه في محاجرها رهينه = وشفت حزنآ من طفولتها غشاها
قلت امك وين راحت لي مدينه = ليه خلتكي ولا رحتي معاها
قالت امي راحت لدنيا دفينه = وسط قبـرآ مابه اي احدآ سواها
تعتليها لبـنه وتربه وطينه = والقماش الابيض الخام اكتساها
والجسد من بعد غسله شايلينه = للصلاة وكلهم صفو وراها
والنعش راحو ورجعو رافعينه = واللي صلى راح يتبعها خطاها
لين وصلو كل شي مجهزينه = وقبلوها واودعـوها في ثراها
ماتت امي يوم جابتني جنينه = واحـرمـتني دنيتي لذة دفـاها
قلت ابوكي قالت المولى يعينه = هايمآ في خالتي يطلب رضاها
ماتت امي واتركتني للطبينه = عايشه في ظلمها وشـدة قساها
اودعتني بغرفتي مثل السجينه = مااشوف الارض ولا انـظر سماها
احرمتني من ابوي ومن حنينه = وعيشتني بنار ماغيري وطاها
ان بغيت الشي قالت ماتبيه = وان بغت هي شي يتحقق رجاها
ان طــلبت ابـوي يـتعـقدجـبيـنه = خاف منها ماقوى لحظة جفاها
وصرت مثل الضايعه في وسط عينه = ماني بنته وكل شيآ من وراها
ماتت امي وصرت لاحزاني رهينه = ماتت امي وماتت افراحي معاها
ادعـي الي كل خـلقـه مرتجيـنه = رب هــذا الـكون ومسـير هواهـا
يرحم اللي ساكنه وسط الدفينه = ويرحـم عيونآ تـحدر كل مــاهـا

رسااااالـه واضحـه / عبداللطيف الـ ح ـمرانـي

!

ماتت امي وصرت لاحزاني رهينه = ماتت امي وماتت افراحي معاها

ادعـي الي كل خـلقـه مرتجيـنه = رب هــذا الـكون ومسـير هواهـا

يرحم اللي ساكنه وسط الدفينه = ويرحـم عيونآ تـحدر كل مــاهـا

رحم الله امهاتنا وأمهات المسلمين

كلمات معبره ومؤثرة

أشكرك على ماخطته لنا يداكـ

العذب /عبداللطيف
مأجملها من حروف تعبر عن ظلم اليتيمه
فصح لسانك مدد بلا عدد
وتحيتي لك

ياسمو الحساس والمشاعر الصادقه
ياسمو العذوبه

أبداع يا أبو ميعـــاد

حقيقة معناة يتيمه


بيض الله وجهك يا أبو ميعاد


يابن العم ابيات تجعلني اقف عند كل بيت منها



كلمات تنبع من رجل ذو عذوبه وأبداع

.





محبتي





.



أبو أســامـــه
(نواف النجيدي)

اقتباس:

---

المشاركة الأصلية كتبت بواسطة الرواسي

ماتت امي وصرت لاحزاني رهينه = ماتت امي وماتت افراحي معاها

ادعـي الي كل خـلقـه مرتجيـنه = رب هــذا الـكون ومسـير هواهـا

يرحم اللي ساكنه وسط الدفينه = ويرحـم عيونآ تـحدر كل مــاهـا

رحم الله امهاتنا وأمهات المسلمين

كلمات معبره ومؤثرة

أشكرك على ماخطته لنا يداكـ

---

الأخت الرواسـي ..!

أمين يارب الله يرحم امهاتنا الأموات ويطيل بعـمر الأحيآء منهن

شاكر ومقدر لك هذا المرور الـعطر الذي عطرتم به متصفحي بردودكم ..!

تقبل جل تقديري وفائق احترامي ..!

اقتباس:

---

المشاركة الأصلية كتبت بواسطة محمد علي الخولي

العذب /عبداللطيف

مأجملها من حروف تعبر عن ظلم اليتيمه
فصح لسانك مدد بلا عدد

وتحيتي لك

---

حي الله محـمد الخـولي ..!

صح بدنك وشاكر لك هالمرور العـطر والغير مستغرب

منك فمرورك اصبح ضروري بآلنسبه لي لأن تواجدك في

متصفحي يعطي جله جمالا خاصا ..!

تقبل شكري وقبل ذلك تقبل ودي واحترامي ..!