الهوامير

ابتلشنا بالهوامير والسوق اندمر
انهبونا واركبونا الذلول بلا شداد


رموا اليابس بعد ما كلوا كل الخضر
حاشوا الأموال بخياشهم حوش الجراد


الخدع للاغبيا والضعوف من البشر
ما درينا وش حصل بالصباح وبالهجاد


عن علوم الغيث ما عندنا علم وخبر
لو علمنا ما نزلنا لخانات الآحاد


سيدي منك الفرج والقرار المنتظر
لعبة السوق الردي ما تهز الاقتصاد


0000000000

صح لسانك يافرحان

جيت على الوتر ابيات جميله وفي موضوع حقيقي

فعلا ماتركو لااخضر ولا يابس لله لايوفقهم 0

تحياتي وتقديري لك

صح لسانك يافرحان مدد بلا عدد
والله يفكنا من شر الهوامير ويعطيك ألف عافيه

وتحيتي لك

فرحان الميهوبي

صح السانك

واعتلا شانك

نص شعري يتحدث عن الالعاب الذي حصلت داخل سوق الاسهم

تقبل مروري

وتحيتي ومحبتي