:: يابنت يكفي دخيلك لاتبوسيني::
يــابنـت يكفـــي دخيلــــك لاتبوسينـــــي
خــــــلاص يكفي ترى مليـت مشكـــورة
وش لك بخـــدي يابنت النـاس فكينـــــي
عندي طــريقة وهي مـــاهيب محظـورة
نامي على صدر ابوك وحـــيل ضمينــي
لو تصبح عظام صـدري منك مكــسورة
انتي أســـاســــــاً مكانـك فـي شرايينـي
مشـــــــاركـة بالمحبـة والغـــــــلا نوره
ولاهي غريبـــــة علـى مثلـك تحبينــــي
لاني أحبـــك وانــــــادي دوم عصفـورة
يابلسم جـــروح ابوك وفرحــــة سنينـي
يامن لها بالضلوع وخافقـي صــــــــورة
أهـــديت غيرك كلام رويشــــد اعفينــي
وانتـــــــي لـك بذمتـي درة وبلــــــــورة
امـــوت في ضحكتك وانتـي ذبحتينــــي
بلشـة .. عنيدة .. وكتكوتـة .. وشطورة
أن جيت اريّــــح وانــــام الليـل توذينـي
متسلطنـــة تضــــرب الجـدران بالكـورة
تلــــعب على عينـي الكـورة تورينـــــي
والله ولا سامــــــــي الجابـر وجمهـورة
واليـــــا بكت تنقلـب عنـدي موازينــــي
دنيـــــاي من دمعها وأن سال مذعـورة
كن الــــــزلازل بصـــــدري والبراكينـي
قامت تفجر وكـن الـــــــروح مخطـورة
واليا ضحكت قـــلت أنا بالسوق بيعينـي
لو كان ســـعري ثلاث ريـال معــــذورة
والله ما أحسد على ضحكك سـلاطينــي
اموالهم في بنـــوك جنيـف محشـــــورة
انتي حيـــــاتي وعمري شمعـة سنينـي
ودي اشــــوفك اليــــــا شيّبـت دكتـورة
ادواي لاجيت لك تعـــــبـاااان ضمينــي
الوصــــفة اللي تـرد الـــــروح عبـورة
رد: :: يابنت يكفي دخيلك لاتبوسيني::
كلماااااااااااات في قمة الروووووعه
يسلمووووووووووووو أم علي
رد: :: يابنت يكفي دخيلك لاتبوسيني::
نامي على صدر ابوك وحـــيل ضمينــي
لو تصبح عظام صـدري منك مكــسورة
الله اكبر
كلام جميل وقصيده رائعه
والاباء دئما يضحون من اجل فلذات الاكباد
لكن يقولون ان البنت لها بصدر ابوها
شي غير
خلاف الاولاد الذكور الله يرزقنا ونشوف
شكرا ام علي
رد: :: يابنت يكفي دخيلك لاتبوسيني::
اقتباس:
المشاركة الأصلية كتبت بواسطة نورة بلي
كلماااااااااااات في قمة الروووووعه
يسلمووووووووووووو أم علي
الرااااااااائع مرورك أختي نوره
نورتي الموضوع بطلتك الحلووه
تحيتي لكِ
رد: :: يابنت يكفي دخيلك لاتبوسيني::
اقتباس:
المشاركة الأصلية كتبت بواسطة حامد راشد الوابصي
نامي على صدر ابوك وحـــيل ضمينــي
لو تصبح عظام صـدري منك مكــسورة
الله اكبر
كلام جميل وقصيده رائعه
والاباء دئما يضحون من اجل فلذات الاكباد
لكن يقولون ان البنت لها بصدر ابوها
شي غير
خلاف الاولاد الذكور الله يرزقنا ونشوف
شكرا ام علي
الاجمل مروك والراائع توااصلك اخوي حامد
والله يرزقك البنين والبنات
دمت بالف خير
رد: :: يابنت يكفي دخيلك لاتبوسيني::
مسوي ثقيل راع القصيد عموما" اله يعطيك العافية كلمات جميلة
