الشاعر: تركي خليفه نصرالله
ربعي بلي .. ذباحت الحيـل ياسعـود
أهل الكرم والجود .. وأهل الزعامـه
تاريخهم ماضي وحاضر .. وموجـود
حطّوا لهم بيـن القبايـل .. علامـه
قبيلة ٍ دايـم لهـا العـز .. فـي زود
حمّايـة الأذواد .. يــوم القـوامـه
أفعالهـم فيهـا تواريـخ .. وشهـود
كـل ٍ لهـم يبصـم براحـة إبهامـه
من ذعذع الغربي .. ومع ذعّت النود
جيش المعادي جاك .. سامك عسامـه
صغيرهم ماجاك .. مرمـي ومطـرود
يشفي غليلك كـان طـش ّ العمامـه
لنه سمع صوت الطلب .. جاك مردود
يهوش مثل النمـر صعـب ٍ لطامـه
لو كان قـدم العيـن ملـح ٍ وبـارود
عقيدهـم مـن بينهـم حيـل ظامـه
ولو كان قدمه جيش قـوات وحشـود
ما هابهم والموت مثل> .. السلاااامه
هذي بلـي ياللـي جهلتـم بهـا زود
نطيحهـم تطحـن صمايـل عظامـه
خلوه يركع بعـد ماهـو يبـي الفـود
من بعد كبر النفـس حطّـوا إخطامـه
ربعي بلي وإن مال .. عود ٍ على عود
للضيـف ريـف وللمعـادي نـدامـه
هـذا كـلام مثبتيـنـه ومـاكـووود
ماهـو كـلام أللـي كثيـر ٍ كـلامـه
وإيضا القبايل كلها .. نمـور وفهـود
من اليمن لين البحـر ليـن شااامـه
قبايل ٍ بارض الجزيـره لهـا إسـدود
لأجل العـدوا ماتخضـع بكـل هامـه
وربعي بلي وإن صار حد ٍ .. ومحدود
مـن الجمـل ماتاخـذ إلا سنـااامـه
حق ٍ علي أمدح فعايـل هـل الجـود
مداحهـم مايـوم جـتـه المـلامـه
وصلاة ربي عـدّ .. ماحجـة وفـود
علـى نبـي ٍ .. ماشييـن إبنظامـه
