لو كان في دنياك يالادمي خير

السلام عليكم ورحمة الله وبركاته ،،،،
هذه قصيدة مني اتمنى ان تنال على اعجابكم وهي عبارة عن نصيحه

واليكم القصيده

لو كان في دنيـاك يالأدمـي خيـر = أغلى ماعندك تحفظ ابـوك وأمـك
لكنها تمضـي ومـن دون تخييـر = لا تبتلش فيهـا ولا تحـرق دمـك
الكـل فانـي بالوعـد دون تأخيـر = ماضـم غيـرك لاتناسـا يضمـك
لاتتبع الدنيا ترا عيشهـا أقصيـر = أعمل بها ألي ينفعـك يـوم همـك
أهم شـي الديـن مابـه تقاصيـر = اتكملـه وتحـط بـه كـل عزمـك
دينك نجاتـك يـوم مابـه معاذيـر = في يوم ماينجيك جاهك ولا اسمـك
اتشوف كل الخلق حتـى التعابيـر = كلن بنفسـه ضـاق ماهـو بيمـك
أما على الجنـه تجيـك التباشيـر = في رحمـة الله يـوم فيهـا يعمـك
وأما على نارن حصيل المخاسيـر = ماتموت فيها يصبح الموت حلمـك
الله وأكبـر والنصايـح تصاويـر = تصويـر للتذكيـر لـو زاد علمـك
أنصح بها نفسي قبل ما أنصح الغير = يالله أنا قصـرت والحكـم حكمـك
والشعر يالأجـواد حكمـه وتدبيـر = مثل الرساله تبـرز أسمـو سلمـك

أحمد مصيليح العرادي

تحية ياحمد

ونصيحة غالية من شاعر جزل

تسلم وصح لسانك

صح لسانك
نصيحه رائعه
وجزاك الله خيراً

الاخ الشاعر احمد مصليح
صح والله لسانك ياجزل
قصيدة رااائعه من شاعر رائع
تحياتي

احمد مصيليح العرادي

صح السانك

نصيحه من مجرب الدنيا في جدها ولهوا

لو كان في دنيـاك يالأدمـي خيـر

أغلى ماعندك تحفظ ابـوك وأمـك

تقبل مروري

وتحيتي ومحبتي

اخواني الكرام
تشرفت بمروركم جميعاً
واشادتكم بالقصيدة انما هو حافز لتقديم المزيد
ولكم تقديري واحترامي