من ذكريات اخي سالم البلوي شاعر المعنى
القصيده
لأخي
العزيز
شاعر المعنى
سالم بن صالح البلوي
وهي موجهه
لابو صالح البلوي
ولكن أعجبتني
ومن تذوقها أحببت
ان أجاري شاعر
المعنى وفقه الله
سـلام تسليمـة وفـاء تشـرح البـال=تلفـي لابـو صالـح وهـذا وعدهـا
من هاجسا وسط الحشاء يشعل اشعـال=مثل البـروق اللـي سمعنـا رعدهـا
اللي ارعدت زلزل على الارض زلزال=مـاءه تنثـر والغضـب فـي بردهـا
ماباقـي وادي علـى الارض ماسـال=تحي العـدود وكـل ضامـي وردهـا
اب انشدك علم علـى كـل الاحـوال=بنـت الهلالـي ويـش سمـو ولدهـا
ان كـان ماسمـوه عاشـت بغـربـال=وتنكـدت وهـو السبـب فـي نكدهـا
يالله عسـى ماتذكـر بخيـر الانـذال=اللـي شبـع مـن نعمـة ماحمـدهـا
الرجل ماسمـوه ابـو ثـوب وعقـال=الرجل يعـرف فـي مواقـف شهدهـا
الشمس عذارء والقمر صـار رجـال=واضحت كما الحجـه مضيـع سندهـا
وجهـت للمغـرب واهللـك ياهـلال=والشمس غابت واشرقـت فـي بلدهـا
الـى ورطـت اجيـك للعقـد حـلال=مانـي غشيمـا يبتلـش فـي عقدهـا
واوصيك عز النفس لون القـدم مـال=قول المثل مـن عـز نفـس وجدهـا
شاعر المعنى
سالم بن صالح البلوي
========
مجاراتي
يشوقنـي بيـت القصيـده ومـوال=ما دامهـا مـرْت وشاحـت بيدهـا
من بوح شاعر يشغله كـل ولـوال=لا دقت أجراس المعانـي قصدهـا
فتـال للمعنـى وللْعـقْـد حــلال=يـدرك مراميهـا ويتعـب بعدهـا
من ساس ربعاً تتعب الهجن زرفـال=وأن زانت الغـاره بفكـره لكدهـا
خلت الخيال وساق من يمي إخيـال=وأرزم رعدهـا واستهلـت سعدهـا
من سوق فارس للمعانـي وخيـال=تطرح شباة الخيـل تحتـه ولدهـا
الشمس عذراء ما تغطـى بغربـال=تشرق وتمسي في مـداره وحدهـا
ما كـل رجـالاً يعيضـك برجـال=هـذا مثـل مقيـول وأمـر وأدهـا
البدر يبقى بدر ولو يرجـع هـلال=يشرق ان طالع شمها فـي وعدهـا
ولا يسري الساري على كل الاحوال=إلا ولـد شغمـوم ودربـه نشدهـا
هـذا الـذي منـي تبيْـن يالامثـال=ربي كفيـل بيسرهـا عـن نكدهـا
أطلب له التوفيق مع زين الاعمـال=يحقق طموحه من نواهـا صعدهـا
=محمد ظاهر الميهوبي
رد: من ذكريات اخي سالم البلوي شاعر المعنى
الله يوفقك اخوي محمد حبيت استفسر على اي قناة تعرض وارجو الرد
رد: من ذكريات اخي سالم البلوي شاعر المعنى
اقتباس:
المشاركة الأصلية كتبت بواسطة الثاغر
الله يوفقك اخوي محمد حبيت استفسر على اي قناة تعرض وارجو الرد
وفقك الله اخوي الثاغر
مسابقة شاعر العرب النسخه الثانيه التي اشارك فيها ويوم الخميس ثاني حلقه لمجموعتي التي تأهل معها الى المرحله الثانيه والان نحن تحت التصويت للمرحله
الثالثه ولمدة واحد وعشرون يوما وذلك على قناة رواسي الفضائيه ومن دولة الكويت
ياغالي شكرا وتحياتي
رد: من ذكريات اخي سالم البلوي شاعر المعنى
