ياحبيبي لعينـك نبـذل المستحيـل
مقصدي هو رضاكم ياعيون المهاه
نرخص العمر لأجلك ماندور بديـل
القدر و الخيانـه خافقـي مانـواه
مغرم في هواكم مير مابه حصيـل
ماحصل كود جـرح ولالقينـا دواه
كل ماأقرب زياده شفت دربك طويل
وكل ماقلت بصبر طال صبري مداه
المسافه بعيـده و المواصـل قليـل
والمحبـه تلـوع و العـواذل وراه
والله اني أشوفه مثل نجمـة سهيـل
بس ماأقدر أطوله والله اللي حمـاه
غاليآ ويتغلى شاف شكلـه جميـل
وقام يفخر بزينه يوم ربـي عطـاه
لو ادور شبيهـه مـا لقينـا مثيـل
وأن لقينا شبيهه مـا لقينـا حـلاه
ومن يدور كرامه في يدين البخيـل
كنه اللي يدور تمرة(ن)ً في حصـاه
ومن يدور سلامه وسط بيت الذليل
كنه اللي يدور فزعت(ن)من عـداه
مما رآآآآآآق لي
