بسـم الله الرحمن الرحيم
بعد السلام والتحيه ، أترككم مع هذه القصيده الرائعه ...
ساقت مشاوير الشقاء واردف الليل
وسريت ودروب السهـر سرمديـه
ازريت اسوق الهم واحـط واشيـل
وتعبـت اكابـر والمواجـع نديـه
الحيل مل من التعب مابقـي حيـل
والجفن مالـه بالسهـر مقدريـه
البهذلـه والمهزلـه والغرابـيـل
ابطال وسنيـن العمـر مسرحيـه
والهم والحـزن والظلـم والويـل
اضيوف وجروح الوفـاء شاذليـه
والصمت والهوجاس بوح التعاليـل
والخوف مسـرى واليالـي مطيـه
يالله عسى درب السنـع بالمقابيـل
ولا اليالي الـي مضـت جرهديـه
حرٍ كفـخ واستاسرتـه المحابيـل
وعقب السماء الرحبه هوا للوطيه
حر غدر فيـه الزمـن والمداخيـل
مقـرود وكفـوف العطايـا رديـه
غلطة عمر منها جنيـت البهاذيـل
ذنـوب غيـري حطهـا الله عليـه
تناقلتهـا شلـة القـال والقـيـل
وحطو عليها لين صـارت قضيـه
وقامت تناهشني رخوم الرجاجيـل
اهـل الملامـه والعلـوم الرديـه
الي تجيـك اخبارهـم بالتفاصيـل
ويحرفون الهرج عن سـوء نيـه
بالله قلـي ياسـود الوجـه ياليـل
وضح النوايا كيف صـارت خطيـه
قلي من الي ظلـل الحـق تظليـل
ومن علم الوافـي يخـون بخويـه
ومن بروز الاوهام خدعه وتمثيـل
ومن طلسم الواقع وخان الوصيـه
ومن قال لي دربك مهود وتساهيل
ومن علم الضحكات تمشي عليـه
ومن كفن دموع الوفاء بالمناديـل
ومن هو جزاء الحسنه بمليون سيه
الي قتل حلـم الضلـوع المناحيـل
وقال انقتل وترى العوض بالبقيـه
جاوب سؤالي يا سود الوجه يالليل
من علم الصاحب يخـون بخويـه
:
تحياتي للجميع
:
مما راق لي
