لو الرجل كل ماشافه يبي يشتريه

الى تنفس صباحك والعمل منتويه=ومصلي الفرض يامسلم على موعده
استرزق الخالق اللي كلنا نرتجيه=فالرزق عند الذي موجدك ثم اوجده
في رحلة الألف ميل بخطوةِ تبتديه=بالصبر يامقربه لو كان يامبعده
جود حبالك وخلك يانديمي نبيه=لأن الجمل لا رتخى حبله يطيح اوهده
الرجل لو كان مايعمل يفولو سفيه=منبوذ بالمجتمع دايم يعيش اوحده
لأن العمل له مثل الجبل يعتليه=الى ارتقى فوق هاماته يزيد اسعده
لو الرجل كل ماشافه يبي يشتريه= كان اتعبه قلة فلوسه وقل اجهده
عن طلبة الناس بغننه مكاسب يديه=لاشام مثل الصقور ومكسبه من يده
الآدمي في فجاج الأرض لونه يتيه=في تالي الوقت لابده يعود ابلده
يغضب اذا كان به من هو تفوق عليه=الا الى قيل متفوق عليه اولده

الآدمي في فجاج الأرض لونه يتيـه


في تالي الوقت لابـده يعـود ابلـده


يغضب اذا كان به من هو تفوق عليه


الا الى قيـل متفـوق عليـه اولـده





فالح السميري







صح السانك







نص جزل من شاعر جزل






تقبل تحيتي ومحبتي

شاعرنا العذب / فالح السميري
صح لسانك مدد بلا عدد ودمت بهذا الأبداع الشعري الفخم
والله يعطيك العافيه ولا عدمناك
وتحيتي لك

:

محمد

الاستاذ ابو عمر

دائما مبدع ولاتاتي الا بالجزل يالنشمي

ابيات هادفه ثمينه اعجبتني جدا

تحياتي وتقديري لك

وتقبل سلامي

الله يحفظك

ودمت بخير

جود حبالك وخلـك يانديمـي نبيـه

لأن الجمل لا رتخى حبله يطيح اوهده

الرجل لو كان مايعمل يفولو سفيـه

منبوذ بالمجتمع دايم يعيـش اوحـده

الأخ العزيز والشاعر / فالح عايض السميري ..!

قصيـده جزله وشآمخه ليست بمستغربه من شاعر له وزنه

في السآحـه وشاعر لآيأتي سوى بمآهـو جميل ورائع ..!

شاعرنا .. لك مني كل الـود والأحترام ..!

صح لسآنك ابو عمرر مليون ولآيكفون ..!

وفآلك الجنـه يارب ..!

تقبل مني أرق التحآيآ وأصدقهااا ..!:|for you|:

ابوعمر
شاعر حكيم وجزل
ابيات
في غاية الجمال

لك
الموده
عبدالله