ياقلبي هذي الدنيـا ودايـم تنقلـب الاحـوال ،،،

على الاطلال لا تبكي كفى تبكي على الاطـلال
تناسى الهم ياقلبـي كفانـا غربلـه وهمـوم

تعال احسب معي الايام وكم ليله بليا وصـال
خلاص الماضي ما يرجع ترى حنا عيال اليوم

هذاك اول نعيش بحب ونتهنـى براحـة بـال
هذاك اول قبل نكبر وتصبح في العلوم علـوم

ياقلبي هذي الدنيـا ودايـم تنقلـب الاحـوال
ترى ماني الوحيد اللي بصدري ضيقه ومكتوم

انا ادري ان الزمن ظالم ولا يحسب عنا الرجال
واعرف الحظ ليمن طاح يبيله وقت لين يقـوم

وذي قسمتنا ياقلبي تصبر عالحزن لـو طـال
امر مكتوب ومقدر وكيـف نغيـر المقسـوم

مهو ذنبي ولاذنبـك نعـاف الحلـم والامـال
مدام ان السهر فارض علينا ما نذوق النـوم

ياقلبي تعبت عيوني وهي تنظر يميـن شمـال
ادور للامل لكـن لقيـت ان الامـل معـدوم

ياقلبي لا المطر جانا ولا حتـى بعـد همـال
ما غير تحوفنا الغيمه تمنينا المطـر وتحـوم

انا احب البحر واعرف هدير الموج واليامـال
ولكني معا هذا احـس انـي مااطيـق العـوم

اعيش بفقري وراضي ولا ودي يجينـي مـال
لاني لولقيت المال وجيت اشري عجزت آسوم

ياقلبي مر في سمعي كثير مُن الحكم وامثـال
ولكن ما لقيت اصدق من اللي قال بكره يـوم

تعال نعيش دنيانـا ونتعـود علـى ذا الحـال
ويمكن شمسنا تشرق وتصبح ف العلوم علوم


ممآ عجبني ورآق لي م/ن

طرح جميل يعطيك العافية

الله يعــأفيك إخوي قررم وتسسلم كلك ذوق .. وشآكرر لك ع المرور المتوآضع

تقبل تحيآتي وإحترآمي

فيصل الحمراني
أشكرك على نقل هذه القصيدة
وأتحافنا بها
وعلى حسن الاختيار وروعته
وهذا ينم عن ذوق رفيع وأحساس بالكلمة الجميلة

اقتباس:

---

المشاركة الأصلية كتبت بواسطة ابراهيم سليمان اللوط

فيصل الحمراني

أشكرك على نقل هذه القصيدة
وأتحافنا بها
وعلى حسن الاختيار وروعته

وهذا ينم عن ذوق رفيع وأحساس بالكلمة الجميلة

---

العفـــو ،، إخوي إبرآهيم اللوط وتسسلم إنت الذوق ومنبعه ..
تقبل مني التحيه والاحترآم