قصيدة لشاعر الكبير زيدان حمد الميهوبي

ارجو ان تستمتعو بهذه القصيدة

وهي من قصائد والدي الشاعر الكبير . . زيدان حمد الميهوبي اطال الله بعمره

البارحه بالعين مثل السفاسيف=كانه يلسعها السماليل تلسيع
النوم جاله بالمحاجر وقاقيف=حراس حتى صارللنوم تشعيع
وانا بشمال السوق من بلدة طريف=عيني تباري للنجوم اللواميع
حق الله ان معزبي يقري الضيف=سهران ماني بضامي ولامجيع
الا ان قلبي به من الوقت تلهيف=كانه يقطع بالسكاكين تقطيع
متوجها لديار ظهران وعريف=عسى بها خيره وفيها منافيع
ياطيرياللي تنسف الريش تنسيف=يا مرفع الجنحان بالجو ترفيع
سلم على ربعن لنا قربهم ريف=وداعتك كانك تعرف التواديع
سلم عليهم شف لي حالهم كيف=شف لي عموم الربع من دون تنويع
اعلمك بجوهم بالتواصيف=قبلي قراقر شرق عن هجرة مطيع
البيت ماهو بالتقى خوف لاشيف=بيوتهم تبنى على مدهج الريع
اهل الكرم واهل اللزم والتكاليف=يذبحون الضان لو هي مضاريع
عودات عاد الله لهم بالمطر صيف=والناوي البدري وزين المرابيع
هاذي وصايفهم ولاهي تزاييف=ولاهي نفاق ولا مدور مطاميع
وايضا ماني لابراجي ولا مخيف=ولاسوي الجابه على غير تسنيع

وافي لك الشكر علي هذا النقل




وصح السان زيدان




نص رائع علي المسحوب





لك تحيتي ومحبتي

اقتباس:

---

المشاركة الأصلية كتبت بواسطة سلطان القنيدي

وافي لك الشكر علي هذا النقل




وصح السان زيدان




نص رائع علي المسحوب





لك تحيتي ومحبتي

---

اسعدني مرورك اخ سلطان ولك مني اطيب الاماني

شكراً لك يالغالي ..وصح لسان شاعرنا الكبير والقدير/زيدان

متعه الله بالصحة والعافية

ونأمل منك تزويدنا..بقصائد والدك الرائعة

*وشكراً جزيلاً لك يالغالي*

***

الاخ الفاضل . . وافي زيدان الميهوبي

أطربت مسمعنا وناظرنا بقراءة هذهت القصيدهـ الجزله من قصائد والدلك الشاعر الكبير زيدان بن حمد الميهوبي

وكم نحن متشوقون لاتحافنا بالمزيد من قصائد والدك

أطيب المُــنــى ،،

سلمان العرادي

اخي وافي

تحية على هذه القصيدة الجزلة

كلمات تستحق القراءة والوقوف لما فيها من معاني رائعة


صح لسان الشاعر وتسلم ياوافي