أحيان تخرج دمعه من داخل العين ¤
دمعه تعاندني وأنا أعرف سببها¤
إن جيت بأخر دمعتي تنحسب دين¤
وإن طعت دمع العين حرق هدبهان¤
لوجيت بأشرح وضعها قلت بعدين¤
وإن جيت أبينها فصمتي غلبها¤
مدري على وقت مضى قاسي وزين¤
وإلا على دار شكت من عربها¤
مدري من أقصى الناس وإلا قريبين¤
وإلا على شان الحياه وتعبها¤
مدري دموعي سبت البعد و البين¤
وإلا لجل عيني تصعب طلبها¤
مدري من اللي توهم مستجدين ¤
يطمح طموح وخطوته ماحسبها¤
مدري دموعي من فراق المحبين¤
اللي خذاهم خالق قد وهبها¤
يمكن عرفت السر لاعاد تبكين¤
وما قدره ربي لعيني كتبها¤
ماكل مخلوق له السر تبدين
ولا كل من يدري يخلص نشبها
ياليت تبقى دمعتي داخل العين
ولا يشمت اللي ماعرف وش سببها
