قصيدة للشاعر بــادي العتيبي وردي على قصيدتة

بسم الله الرحمن الرحيم
الســــــلا م عليكم ورحمة الله وبركاتة
هاذه قصيدة الشاعر بـــادي العتيبي

اللة من همن ليا خيم الليل=يبـــني على قلب المعنا بيـوتة

بكرة وبعده قلت واليوم ويزيل=والظاهر أنة جاب حتى بلوتة
يانا يف الأيام زادت لي الـكيـل=بادي يأبو حمدان مـا ذاق قـوتة
كله سبايب ديرة جعلها الــسيل=نجد عسى مزن الضـحى ما يفوتة
يازين شوف الرمث في وادي عصيل=وشوف الهضـاب اللي بنجد معنوتة
وشوفة مجاهيمن كما رشة النيـل=وهاك الفحل هــايج وكنك تشـوتة
والجيب واقف يرفع الرأس بالحيل=فكسار والفكــسار يحـفض زيوتة
ما شبهه بهلكس ولا على الجـيل=ولا همني عنــد الوكــالة كروتـة
معروف دربة يم ذيك المخاييل=برقن بها القبلة وكــــثرو نعوتة
ياما حلى الكبوت يعكس لك سهيل=لا وقف الوادي نــوع الفـروتة
وشوفة هنوف وصفها كنة الخيل=ياما على فرقاء وليـــفي نعوتـة
حبة سكن قلبي وسوالة صهيل=ويلي على ضمات هـــاك البنوتـة
هذاء منى قلبي والأيــام بطيـل=والصدر ينشف مــثل نشف النبوتة
شفني بهالدنيا وأنا أطيح وشيل=ولابة طريقن بــة عنا ما مشوتـة
ياونتي ونة كســـيرن بلا حيـل=ولا صويب ومــقفياتن خفـــوتة
نايف أنا بروح وأفحص تحاليــل=وأرسل لك التقرير والموت وموتة

وردي على قصيدتة

قم ياهجوسي وأضبط البن بالهيل=فنجال من شمة تمنى منوتة

أشرب قهوتك ثم لي لازم تشيل=أبغى على بادي وحذرك تفوتة
ورح لخفوقي وأركبو باخر أمديل=بالفين وتسعة شاص وارد تيوتة
وارد يباني ماحصل فية تبديل=واللي عجبني فية هيبة ثبوتة
راعية ماحط له على الدرج منديل=ولا شرى جوال أو شال نوتة
يمشي متى وده ولو باخر الليل=كود أخره بنزين والا زيوتة
حطه بثاني لين ماصار بة حيل=وتلة بثالث لين جاوبة صوتة
واللي معة بالشاص محمولة اثقيل=وبنقطة التفتيش ماشال بوتة
راعية شاوي ما لفى ضفة النيل=ولا رحم الجيب وأزرى يشوتة
وطلع علية الصبح والظهر والليل=حتى لفى بادي يسلم كروتة
فيهن سلامي ياصلنة مدابيل=أكثر من الجيش السعودي وقوتة
الصاحب اللي للثقيلات حلحيل=بالمرجلة ما لقى بدالة بخوتة
أشرة علية هو لية يرسل مراسيل=وفيها سلامة مانقنة بيوتة
ياخوك صبرك من ليالي غرابيل=دنيا على الاجواد كنها نحوتة
لا تشتكي لية ترى بدبل الكيل=صليت صبحي مع ليلي وقنوتة
وجاني المطوع يقرى بالجن والفيل=والمصحف بصدري لربي تلوتة
لو أشتكى الفلاح جمع المحاصيل=مات المريض ولا لقى عنزروتة
أن كنت تتوجد ديارن بها السيل=نعمة يومن السيل ماجاب حوتة
وأن كنت تشكي الحظ هو صار بة ميل=أجدادنا قد شاركو بحرب موتة
واللي قديمن كان ربى معاميل=اليوم وسط الناس جرجر بشوتة
وأزيدك من الشعر بيتن لذا الجيل=تركي يسمونة ترى اليوم توتة
يقطعك يادنيا تذل المشاكيل=دنيا بها الاشناب فيها محتوتة
أرجالها قلت وكثرت مهابيل=والعبد مع عمه يقاسمة توتة
وأن كنت تشكي فراق بنت الرجاجيل=يستاهل البردان لية ضاع كوتة
قبلك ذبحني اللي عيونة مكاحيل=مورد الخدين مخلوق توتة
الصدر ضافي فية ومن خصرة أنحيل=وقلبي وهبتة وصار مالك ريموتة
ألين ماصارت تقل المواصيل=وتركتها وكلن يدور اخبوتة
وأن كنت تبغاني أزيدك تفاصيل=بعض الكلام لي ينشرح من سكوتة
وياراعي الفكسار رد التحاليل=وقلة تراني مت من فبل موتة
وأختامها صلو على خير من قيل=أخر نبي أرسل وأعظم نبوتة

وسلامتــــكم
أخوكم /نايــــف حمدان الفاضلــي

الله من همن ليا خيم الليل = يبـــني على قلب المعنا بيـوتة
بكرة وبعده قلت واليوم ويزيل = والظاهر أنة جاب حتى بلوتة
يانا يف الأيام زادت لي الـكيـل = بادي يأبو حمدان مـا ذاق قـوتة
كله سبايب ديرة جعلها الــسيل = نجد عسى مزن الضـحى ما يفوتة
يازين شوف الرمث في وادي عصيل = وشوف الهضـاب اللي بنجد معنوتة
وشوفة مجاهيمن كما رشة النيـل = وهاك الفحل هــايج وكنك تشـوتة
والجيب واقف يرفع الرأس بالحيل = فكسار والفكــسار يحـفض زيوتة
ما شبهه بهلكس ولا على الجـيل = ولا همني عنــد الوكــالة كروتـة
معروف دربة يم ذيك المخاييل = برقن بها القبلة وكــــثرو نعوتة
ياما حلى الكبوت يعكس لك سهيل = لا وقف الوادي نــوع الفـروتة
وشوفة هنوف وصفها كنة الخيل = ياما على فرقاء وليـــفي نعوتـة
حبة سكن قلبي وسوالة صهيل = ويلي على ضمات هـــاك البنوتـة
هذاء منى قلبي والأيــام بطيـل = والصدر ينشف مــثل نشف النبوتة
شفني بهالدنيا وأنا أطيح وشيل = ولابة طريقن بــة عنا ما مشوتـة
ياونتي ونة كســـيرن بلا حيـل = ولا صويب ومــقفياتن خفـــوتة
نايف أنا بروح وأفحص تحاليــل = وأرسل لك التقرير والموت وموتة

قم ياهجوسي وأضبط البن بالهيل = فنجال من شمة تمنى منوتة
أشرب قهوتك ثم لي لازم تشيل = أبغى على بادي وحذرك تفوتة
ورح لخفوقي وأركبو باخر أمديل = بالفين وتسعة شاص وارد تيوتة
وارد يباني ماحصل فية تبديل = واللي عجبني فية هيبة ثبوتة
راعية ماحط له على الدرج منديل = ولا شرى جوال أو شال نوتة
يمشي متى وده ولو باخر الليل = كود أخره بنزين والا زيوتة
حطه بثاني لين ماصار بة حيل = وتلة بثالث لين جاوبة صوتة
واللي معة بالشاص محمولة اثقيل = وبنقطة التفتيش ماشال بوتة
راعية شاوي ما لفى ضفة النيل = ولا رحم الجيب وأزرى يشوتة
وطلع علية الصبح والظهر والليل = حتى لفى بادي يسلم كروتة
فيهن سلامي ياصلنة مدابيل = أكثر من الجيش السعودي وقوتة
الصاحب اللي للثقيلات حلحيل = بالمرجلة ما لقى بدالة بخوتة
أشرة علية هو لية يرسل مراسيل = وفيها سلامة مانقنة بيوتة
ياخوك صبرك من ليالي غرابيل = دنيا على الاجواد كنها نحوتة
لا تشتكي لية ترى بدبل الكيل = صليت صبحي مع ليلي وقنوتة
وجاني المطوع يقرى بالجن والفيل = والمصحف بصدري لربي تلوتة
لو أشتكى الفلاح جمع المحاصيل = مات المريض ولا لقى عنزروتة
أن كنت تتوجد ديارن بها السيل = نعمة يومن السيل ماجاب حوتة
وأن كنت تشكي الحظ هو صار بة ميل = أجدادنا قد شاركو بحرب موتة
واللي قديمن كان ربى معاميل = اليوم وسط الناس جرجر بشوتة
وأزيدك من الشعر بيتن لذا الجيل = تركي يسمونة ترى اليوم توتة
يقطعك يادنيا تذل المشاكيل = دنيا بها الاشناب فيها محتوتة
أرجالها قلت وكثرت مهابيل = والعبد مع عمه يقاسمة توتة
وأن كنت تشكي فراق بنت الرجاجيل = يستاهل البردان لية ضاع كوتة
قبلك ذبحني اللي عيونة مكاحيل = مورد الخدين مخلوق توتة
الصدر ضافي فية ومن خصرة أنحيل = وقلبي وهبتة وصار مالك ريموتة
ألين ماصارت تقل المواصيل = وتركتها وكلن يدور اخبوتة
وأن كنت تبغاني أزيدك تفاصيل = بعض الكلام لي ينشرح من سكوتة
وياراعي الفكسار رد التحاليل = وقلة تراني مت من فبل موتة
وأختامها صلو على خير من قيل = أخر نبي أرسل وأعظم نبوتة

أشكرك من أعماق قلبي على الرائعه
وصح لسانك أنت والشاعر بادي العتيبي ...!!!

صــح لسآنـك
.
وسلم بنآنكـ
.
ولاتحرمنا من جديدكـ
..

قصيده رائعه جدا صح لسانك وعلا شانك الفاضلي والعتيبي ...

صح لسانك واشكركما على القصيدتين الرائعتين

اقتباس:

---

المشاركة الأصلية كتبت بواسطة نواف عواد النجيدي

أشكرك من أعماق قلبي على الرائعه

وصح لسانك أنت والشاعر بادي العتيبي ...!!!

---

مرحبا أخي نــــــــواف
الشكر لك على حضورك المميز ولك جزيل الشكر
تقبل مودتي