قم قهوني ...قبل اصلك واتقهواك

قم قهوني .. قبـل آصلـك واتقهـواك
واوزنك هيل .. ويرتبـك زعفرانـك
فاحت معاميلي علـى جمـرة شفـاك
قدام لا أركد .. صبني لك / عشانـك
ما أهـز فنجالـك .. ولا أرد يمنـاك
شربك كلـك .. و احتفيـك بمكانـك
قبل أتحلوى لـك .. بديـت آتحـلاك
أقدع حـلاك .. ومحتوينـي حنانـك
وبعدك عليك أشكيك من خوف ما ألقاك
أو تقصر دلالـك .. ويومـي بنانـك
تحدني لآقصآي .. واعـرف نوايـاك
مطلق لشطحات الشقـاوه .. عنانـك
أدمنت ب(عيونك) ل(خدك) على(فاك)
لل(عاتـق) ل(ماشدنـي لاحتضانـك)
أدمنت بك (كلك) من أقصاك لأدنـاك
شف لهفتي وتعـرف قـدرك وشانـك
وهبلت بي والعقـل لـو راح يفـداك
مـدام كـل العمـر فـدوة زمـانـك
لالا تقهوينـي .. أنــا بآتقـهـواك
واوزنك هيل .. ويرتبـك زعفرانـك