شبيت ضوي تالي الليل محتار =
عن مرقدً عيا له النوم ياتيه
دفيت برادي ودله على النار=
متجمهرات له مواقيد تبغيه
قعدت احيي كل نجم بالنضار=
وذيب عوى مدري وش الي يلاقيه
كن الخلا فيني فوانيس واديار=
ولا كما صاحب وفي(ن) أشاكيه
لبيه ياهم حزمته بالسفار=
عزبت زهابي بين الاضلاع تحويه
قمت اذكر الرحمن وتلو بالذكار=
ودارت دواير بين الاعصاب تاتيه
مثقال ذره بالموازين مقدار=
يالله تسترني عن الي مخفيه
تسلسلن وحده وثنتين وعشار =
الين صك العمر وجهه ابكفيه
ياخالق الجنه وياخالق النار=
عبد ضعيف دايم النفس تغويه
عمت ابحياتي وكل شي له ادبار=
مثل السحاب الي يشدك لوافيه
للحزن باقي وللفرح دوم مزهار=
من قاس اولها تعافه تواليه
ياقلبك الملتاع في نغمت اوتار=
لعبت به الامااال لبيه لبيه
امدرعمً كيف الدواير بي ادار=
كل ماطرى لبليس طاري يوديه
وطفيت ضوي تالي العمر مقدار=
كم شي اغداني وكم شي مغديه
