((محتمين الدخيل ))قصيدة للشاعر محمد سالم التلفيهـ

قصيدة للشاعر محمد سالم التلفيهـ

يامرحبا عند ربعـي كاسبيـن الجميـل=ربعـي بلـي والقبايـل كلهـا ماتهـون
كل القبايل لهم تاريـخ مـع كـل جيـل=يشهد علـى مانقولـه طيبيـن الظنـون
يوم العزاوي وترديـد العـزاوي يهيـل=وجابوعيال الظهر سيرة عيـال البطـون
وزادت حميا سلالة حلف عـوق القبيـل=وتحزمـو بـام سـك معقديـن الـردون
يوم المثاراه والنيمـس وحـد الصقيـل=ويصير شيـخ القبيلـة للمثـارا زبـون
في شذرة السيف الاملح يبردون الغليـل=يوم ان ذبحت عقيد القوم بيـن العيـون
يوم القبايـل تحـارب بالقنـا والفتيـل=والزند يقدح وراعيـن الطلـق يعلقـون
ويوم القبايل ترامى من على ظهور خيـل=والروس تطبخ غضب فيها صداع وجنون
والبل تورد علـى ماهـا لوالـدم سيـل=يوم ان اهلها على جال القليـب يحـدون
البل راعيها لا حنـت يحتـزم بالشليـل=والثوب من مفصل الساعد يجيك مخبون
يوم المجاهيم ترعى بالحمـى والنظيـل=وان دخن العود اهلها في دقايـق يجـون
ابغى افتخر في ثناء ربعي ثقات الرعيـل=ذكر الثناء والمديح اولى بـه الاقربـون
ضلعي رموثي وربعي يحتمـون الدخيـل=نادى المنادي وقال لطالب العـون عـون
يوم الدخالـه ثـلاث ايـام يـوم وليـل=دخيلنا طـول عمـره مايعيـش مغبـون
يشرب من الماء قراحه بـارداً سلسبيـل=والروس وقت الشدايد عزهـا بالمتـون
ماقلتها من فراغ اقولهـا مـن حصيـل=انشد وتلقى الحقايق عند بيض الدقـون
هذي مفاخر قبيلـه تصنـع المستحيـل=يوم ان كلاً على الثانـي يحـد السنـون
قدام عبدالعزيـز يشـد سـرج الاصيـل=والجاهليه ظلام وساعـة الكـون كـون
واليوم في ظـل شجـره ظلهـا مايميـل=ياشجرة العز عـزك بالثمـر والغصـون
الشجره اللي لنـا فيهـا مـلاذ ومقيـل=منها كسبنا المعـارف واتـزان الذهـون
اخوان في ظـل حكـام الوطـن مانعيـل=الحمدلله صرنـا اخـوان مهمـا يكـون
اخوان بالطيب والجيـره وديـن الخليـل=من صفوت قلوبنا علـى بعضنـا نمـون
الفرق بالدين والتقوى وحسـن التاويـل=والعمر لحظات والدنيا تزخـرف فتـون
تحيا العداله وسيف الحق عيـن الدليـل=العدل اساس الحكم والامن اساس السكون
نرفع علمنا عليه اسـم الكريـم الجليـل=واللون الاخضر بعيني غير عن كل لـون
نعلـن ولانـا لقادتنـا وربـي وكـيـل=وليا عطينا العهـد والله منقـدر نخـون
لازم نضحي وكـلاً قـدر صاعـه يكيـل=نفـدى وطنـا بكـل اموالنـا والبنـون
والله ينصر ملكنا جعـل عمـره طويـل=في جاه من نزل التوبـه وطـه ونـون
رجل المواقيف دايم حسب ماعنـه قيـل=الشعب واحد وحكـام الوطـن يسلمـون

ابيات من اجمل ما قرات في حياتي تكتب بماء الذهب اشكرك اخوي سالم حمود التلفيه وننتظر منك المزيد

الله الله
تسلم ويسلم قايلها
قصيده معبره ووافيه
سالم
تقبل مودة اخوك
عبدالله الوحيشي

اقتباس:

---

المشاركة الأصلية كتبت بواسطة عبدالله النبهان

ابيات من اجمل ما قرات في حياتي تكتب بماء الذهب اشكرك اخوي سالم حمود التلفيه وننتظر منك المزيد

---

عبدالله النبهان


وجميل هذا التواجد


من القلب كل الشكر

ضلعي رموثي وربعي يحتمـون الدخيـل
نادى المنادي وقال لطالب العـون عـون


يوم الدخالـه ثـلاث ايـام يـوم وليـل
دخيلنا طـول عمـره مايعيـش مغبـون

الشاعر / محمد سالم التلفيه

صح السانك

ونعم فيك وبالرموث وبلي وبقضاعه وبجميع القبائل عموم

ويسلم لنا ناقلها جزاة الله كل خير

لكم مودتي

شاعرنا المبدع

سالم حمود التلفيه

سلمت يمينك على هذا النقل الرائع

وصح لسان شاعرها الجميل