الحزن ثوبي وان رميته تعريت

الحزن ثوبي وان رميته تعريت

والستر فيه يشابه الستر بالنار

مافيه يومٍ في حياتي تهنيت

ولا فيه شيٍ لامني غير ماصار

الوقت شح بكل ماهو تمنيت

والغيم عيا لا يجي منه امطار

مليت من كل التقاليد مليت

شف كل من حولي من الناس اشرار

مكر وخديعه بعدها ودهم صيت

يا عل تآخذهم عن العين الاقدار

عمري قصر والمر منه تقهويت

ولا عاد تفرق عندي كبار وصغار

عند العرب لو انك اوفيت واقفيت

يلحقك منهم ذم راعين الانكار

النفس طابت من حياة الخراتيت

ولا ودها غير العدل سر واجهار

زويت نفسي عن جموع المهاييت

والله وحده عالم بكل ما دار

يارب ترحمني اذا اني اخطيت

وتغفر ذنوبي وانت علام الاسرار




بقلم عامر العامري






.

صح لسانك أخوي عامر
قصيدة لامست حال كثير من الناس الآن

قصيدة فيها ابيات جميلة تدل على لمسة شاعر قادم

صح لسانك

عند العرب لو انك اوفيت واقفيت

يلحقك منهم ذم راعين الانكار

الله اخوي عااااااااامر تسلم وصح السانك

عامر العامري




صح السانك




والله يوفقك واصل وارقى سنود




وكلنا معاك




لك مودتي