أدعي عليك بكل وقت استجابه

أدعي عليك بكل وقت استجابه

عسى عيونك ما ترى طلة النور

يا ناكر المعروف ظلي تهابه

وش لون تتجرا على شي محظور

قدرك صغير ولا يساوي ذبابه

مثلك حقير وجابه الذل مجبور

مايل عن الدنيا خبيث الاجابه

تسعى على تعتيم ما داخل السور

شوف البشر قامت علي اتشابه

مقهور انا لكن على ايش مقهور

على الردى ولا مقام الزلابه

ولا على اللي تالي الوقت مغرور

عمر الزمن ما قدر اللي سعابه

تتعب ولا تلقى من الناس مشكور

خرفان صارت في مكان الذيابه

والذيب عوّد جابه الصد مكسور

الكل مشغولٍ يداوي صوابه

وانا اشوف الحال ماهو بمستور

دنياي هذي ما عليها مثابه

اللي بناها ينسحب منه الدور

مشؤوم فكر وما احتريت السحابه

تبطي دياري كلها بور في بور

الهرج فيك مشوهٍ للكتابه

وانا اكتفيت بقولة الكلب مسعور

ماني عليك مكثر بالطلابه

يا مقدم اعذارك ترا منت معذور






تكرمون عن بعض الالفاظ





عامر العامري





.

يعطيك العافيه اخوي عامر العامر

تقبل مروري المتواضع

اخوي عامر صح لسانك يالذيب
والله يعينك على معاناتك 0

وجمال ابياتك بسبب ماتعانيه من صدمه
من موقف صار عليك لكن اسئل الله ان يصبرك
ويجعلك من كل ضيقآ مخرجا0


تقبل تحياتي
سعود السحيمي