بسم الله الرحمن الرحيم
اخواني الكرام في منتدى بلي
السلام عليكم ورحمة الله وبركاته
اقدم لكم هذه القصيدة اتمنى ان تحوز على رضاكم واستحسانكم0
سلام يامن خوته ترفع الراس=سلاما اسمى من سمو الحماسةجندب المالكي
واثمن من الياقوت واغلى من الماس=واحلىمن الذوب المصفى بكاسة
والذ حتى من مذاق الا نا ناس= في دوحتن غنا تجيب الوناسة
يلفي وينصى صيرمين وقرناس=امعرب المجنى من اصله وساسه
بن جابر اللي كاسبن كل نوماس=صافي ذهب ماهو بمعدن نحاسة
ابن الذي لا عدو اهل التفراس=عدوه الاول بين ربعه وناسه
من لابتن تعرف وتذكر مع الناس=اهل الوغا واهل الوفا والفراسة
ويا خالد افهم ما كتب فوق الاطراس=معاني اللي بحر الاشعار قاسه
معانين تلبس من الحكمة الباس=جواهرن فيها الحلى والنفاسة
الوالدين اشرب مع برهم كاس=كاس الرضا ومسايستهم سياسة
واحرص على السنة فهي خير نبراس=ومرافق اهل العلم واهل الكياسة
والدين يا خالد هو الاصل والساس=ورجلن بليا دين ينهد اساسه
اجلس مع العلم في كل مجلاس=وافهم دروس العلم والبس لباسه
واحذر هل الغرات والناس الانجاس=اهل العلوم الهابطة والنكاسة
واحذر من الهلاس تباع الادناس=اللي يدوبح للنقايص براسه
وحق الخوي يلزمك ياراعي الباس=واليا حدنه عوج الايام واسه
واللاش لو يملك من الثروة اكياس=ترى علومه كل ابوها طفاسة
واليا بغيت اتحدد احوال الارماس=وتحيط بغموض المسا ر ومجاسه
دورلها اللي يعرف ارموز الاقواس=اللي درس حل الطلاسم دراسة
هذا وانا عندي للاشخاص مقياس=والرجل مايخفى عليه مقاسه
واسلم ودمت وكل معنى من الراس=معاني اللي شيب الوقت راسه
والختم صلى الله على خيرة الناس=اللي على اهل الشرك داس بمداسه
محمد الشافع لنا يوم الاتعاس=لا ضيع الانسان جملة حواسه
