دموع الشعرماتنزل على اللي صار=
لو اللي صار ماتجرأ على فراقك
كذا طبع الشعر شامخ ولاينهار=
ولكن دمعته نزلت على أوراقك
حبيبي في خفوقي لك مشاعر دار=
هدم نصه غيابٍ ساقني وساقك
تعال ورمم الباقي من الأشعار=
تعال ولم عطر فاح ب عناقك
تعال.. ولاتعذر لي ولا تحتار=
تعال وعذرك إنك جيت بأشواقك
تعال ونارك الجنه وأحلى نار=
تعال وشوف طيبي بعد إحراقك
لو إنك حالفٍ ترجع وأنا بـ شهار=
قسم بالله ماكان الحلف عاقك
تجي وتشوفني لاهي مع الزوار=
تجي وتقول يامجنون مشتاقك
وأجيك ومنهمر شوقي تقل أمطار=
وأسقي لهفتك وأحلم بإغراقك
وأقولك شوف حالتنا صحيح كبار=
تفارقني وتجي والقلب تواقك
وأناظر في عيونك نظرة المنهار=
ولكن دمعتك ماتلمس أمواقك
تخاف تطيح ثم تخسرك ياجبار=
دموعك صايره من ضمن عشاقك
غياب الشمس عمره ماترك أثار=
مدام الكون متوسم بـ إشراقك
ولكن غيبتك هزت سماء الأنظار=
وهدت أمنيات الكون وأشفاقك
ختاما إنتهى الموجز إلى الأخبار =
بقدمها أنا من شاشة أعماقك
نهاية كل واحد يكتب الأشعار=
يحبك .. يعشقك دايـم.. ويتمنى عناقك
