المرحوم محمد حمدان اللوط البلوي
ماقاله محمد حمدان اللوط عندما سأل عن جارة الغالي وصديقه الوافي راجي عطالله العنزي وسال أبنه حمدان فأ جابه انه رحل من الوجه فقال هذي الأبيات
حمدان وين اللي نعزه ونغليه ===ماشفت أبو نايف زبون المساير
ريف الضيوف وريف جاره وعانيه===اللي لضيفه مايحسب المخاسير
ياحي هالطاري لاحل طاريه ===من ساس ربعا"يبعدون المشاوير
الله ياعز البيت ويديم راعيه ===بيتا"وسيع مدهلا"للخطاطير
الوجه من بعده ترى مالنا فيه===لو إن الشوارع شجرت فيها تشجير
لاضاق صدري قالوا راجي يسليه===تفرح له الاقدام بالمشي وتسير
ان جيت بيته تاجده جالس فيه===يطرب حجاجه للنشاما المناعير
حلوا" نباه وطيب نفسه لناصيه===ماصك دون الباب قفل ومسامير
يالله ياربي تكلل مساعيه ===من قلب له يحمل تحيه وتقدير
عاجز عن التعبير بالوصف نوفيه===لوجيت اعبر ماستطيع التعابير
وصلاه ربي عد مرت لياليه===على نبينا زاد الأسلام تنوير
