الا ياشاطي الدره يعين الله على أوضاعي
أبكتب لك وابشرح لك على مبدا وضوح القول
الا لي ياقلم سجل أبحكي وانت سماعي
على طرس الورق سطر بعبر حالة المعلول
وفصلني على وده وقيس بحبرك أوجاعي
وعرفني بداية حي وقدمني نهاية حول
سنين العمر راحت على داعي بلا داعي
وضح وش عوضها لي تبدل سيفها المسلول
ترده بالجفير الي بتر لي حظي الساعي
أنا يا دنيتي والله من أحيائك وانا مقتول
يقايا حي ماماتي على درب العنا ضاعي
أعيش بدنيتك عاني عاى ظهر الجفاء منقول
تجافيني بليا اسباب وانا موتي بك أطباعي
بديتك شايل أحلامي وأرتبها بحس النول
بديتك فرحة المشتاق وأشوفك داخل اضلاعي
أماني ما تحققها ؟؟؟ حلمتك عرضها والطول
انا المركب على رحلة خيالاتي وملتاعي
أببدا يابحر شاطيك صحيتك باخر الاسطول
تحاصرنا هبوب الكون ولا انحلت بك اشراعي
أنا لك من ضحايا الامس ومجدافي امل محصول
على هذا القدر ضعنا شبيهة ضيعة الراعي
فتحت القلب لك وحدك لغيرك للابد مقفول
فمان الله ياحظي نويت أمشي على اطواعي
فمان الله يا عمري بدوّر من ورآك احلول
