اهل البيوت اوضاعهم خربانه..

الفقر يخلف نية الرجّالي=ينسف ولاه وطاعته وايمانه
الناس تصبر بالزمان البالي=واشوف صبر اليوم ماله خانه
الدار خضرا والحبال طوالي=مابه عذر يالعالم البطرانه
حسو بنا ياطيبين الفالي=الكيل ناقص رجحوا ميزانه
الناس ماتت بالشعيب الخالي=والعم خانت بالعرب رعيانه
الصبر غلق والحمول ثقالي=والنفس ضاقت والعرب زعلانه
ترا التفاهم منهج العقالي=دام الركايب في يد الهجانه
والعمر يمضي والزمن لو طالي=تقفي ونقفي والعدا ربحانه
من واقع العربان جبت امثالي=اهل البيوت اوضاعهم خربانه
والصمت عن طول الحديث اشوالي=امبين المكتوب من عنوانه

صـــــــــــــــــــــــــــــــــــــــــــــــــ ــــــــح لســـــــــــــــــــــــــانك

صح لسانك ياشاعرنا الانساني((الكثير)):

....وهذا هوالحال:وجعاً ،و شجناً ،وارتطاماً:


الدار خضـرا والحبـال طوالـي =مابـه عـذر يالعالـم البطـرانـه
حسـو بنـا ياطيبيـن الفـالـي = الكيل ناقـص رجحـوا ميزانـه
الناس ماتـت بالشعيـب الخالـي = والعم خانـت بالعـرب رعيانـه

*

*

*
*((والله المستعان))*

9/10/1430
_______________

قصيدة جزلة وهدف سامي

صح لسانك يالكثير

اه يلكثير ياكثرك كثراه
الله يستر الحال والاحوال
نقلت صوره واقعيه بدون تزييف من ارض الفقر والحاجه والحرمان لاكن لااذان تسمع ولا عيون ترى ولاقلوب ترحم ولاعقول تفقه

اقتباس:

---

المشاركة الأصلية كتبت بواسطة عبدالعزيز سعد العرادي

صـــــــــــــــــــــــــــــــــــــــــــــــــ ــــــــح لســـــــــــــــــــــــــانك

---

صح بدنك وسلمت يمينك