تتوقع صديقك راح يكون بعد القصايد هذي ..صديق..تعال شوف
:) بعد التحية اخواني وعساكم بخير
حبيت ان تشاركوني هالموضوع اللي اكيد يمس ايا شخص ان كان له صديق او لا
تتوقعون انا محدثكم كم لي صديق ؟؟؟؟
يعني اكيد بتحطون لي عشرة .وا اكثر
.........................تتوقعون كم ؟؟
وش رايكم انا ما عندي ولا ايا صديق اذا احتجت الجاء له او اذا بيسال يسال عني شخصيا
كلهم وبصرااااااااااااااااااااااااااااحه
انا اللي انهيت علاقة صداقتي بهم تدرون ليش لان اكثر الابيات الاتيه تنطبق عليهم
اصلا انا قبل اقراء القصايد هذي انا مفارقهم وما عندي ايا شخص اتكي علية لا ضاق صدري
او اشتدت الليالي علي وان يا قاري راجع حساباتك يمكن صديقك صديق:
ضحكة سن ؟يمكن ما ابي اظلم احد لكن جرب واختبر
شوف المعدن هل هو ذهب او ...............تقليد
ويااااااااااااااااااااااااااه يا كثر اللي يموتون بالسوالف
بكل صراحه اذا احتجت لك وما فدتني في اكثر من موقف بصراحه وش ابي فيك
انا عندي ملايين من هم للسوالف جاهزين
اختبر وقارن كالاتي يمكن سبحان الله تلقى من معاك يستحال تبديله:
لا تفارق رفيقك على طول : اذا اعتذر الصديق لك يوم =من التقصير عذر اخ مقر
يمكن عنده عذر او ما كان قاصد ..........
يقول الامير محمد السديري منوها بان اللوم يقع عليك وليس على الناس عند اختيارك للصديق الذي تخيب به ظنونك وقت الحاجه
لا خاب ضنك بالرفيق الموالي =مالي مشاريه على نايد الناس
ويقول شالح بن هدلان :معاتبا صديقه
انا رفيقه في الليالي المعاسير =والا الرخا كل يسد بمكاني
ويقول سعيد الغربي الخنفري في رثاء صديقه الامير محمد بن ناصر بن مريحه بعدما مات اثر صوابه
صحيبي اللي لا تعللت وياه =اصبحت لا قلبي من الخبث طايب
لا تشتحن يا قلب لابد ما اقفاه=يومين ولا روحن الركايب
ويقول الامير تركي بن حميد موصيا ابنه عبيد باختيار الصاحب الذي يعينك على طاعة الله
رافق قوي الدين حفاظ الاسرار=ينفعك في يومين يجيبه قراره
ويحذره من صاحب السوء قائلا
جنب ردي الراي ما فيه تعبار=ما فيه من فعل المناعير شاره
جنب عنه خله لقصاف الاعمار =واحفظ وصاتي يارفيع المناره
ونعود بك عزيزي القارئ لبعض ابيات هادي القيعمه في وصفه لمن لا يعرف مكانة الصاحب بل تجد في ابياته مدي عزة نفسه وترفعه عنه في بيت اعجازي لو تفكرت فيه قليلا لوجدت مدي ما يتمتع به شاعرنا بوصف قلما تجده عند الشعار ( البيت الاخير ):
رفيقي على الدنيا اذا احتجت خلاني =وفي الاخره مالي نصيب من اعماله
لاصار ما يفرح بعزيوما يدراني =فرفيقه على الدنيا بقى كنه لحاله
ولا صرت انا عزه وعزه تعداني =فيعرض وانا بعرض وكل على فاله
بيلقى رفيق له على غير برهاني =رفيق الرخا ويبور لامست حباله
وانا افضل اكل من كراسيع كرعاني =ولا انصى الردي في حاجه واتلجاله
وهنا نختم على موضوع الصديق اللي من جد في هالوقت نادر ما نحصله
ادري اني اقول وين الصديق وبيزعل اللي يمشون معاي بس الصراحه في عيوني
ما احب اجامل على حساب من يبي يكون رفيق دربي والليالي المعاسير
هذا واجمل تحياتي لكم
