لبن الأبــــــــــــــــــــــل

إخواني الكرام
،،،،
من الصفات التي يتصف بها أكثر أهل الإبل ومن يقتنونها
بأنهم لا يبخلون على المار
وعابر السبيل بلبن الابل ،،،،، لحب الجميع له وأيضا يعتبر كعلاج في بعض الاحيان لبعض الامراض
،،،،،
ما حملني على كتابة الموضوع
كنت مسافرا
وعند دخولي حدود احد المناطق وجدت احواشاً عديده للإبل
وبصراحه شعرت برغبتي وشغفي للبن الإبل
،،،،

ذهبنا لأحد الرعاه وكان سوداني الجنسيه
رحب بنا
وجلسنا وقلنا نريد لبن لاننا راينا عدداً من الخلفات وكان حيرانها
معزولة عنها يعني جاهزهه للحلب
،،،،
المهم شربنا ما كتبه الله
وذكرنا الله على الابل وعند مغادرتنا المكان قال السوداني
الحساب ياعمي
قلت حساب ماذا : قال الحليب
وقلت هل تبيعونه قال نعم
الزبديه ( الغضاره ) الصغيره بخمسة ريال والكبيره بعشره
دفعنا له الحساب
،،،،،،
وقلت بنفسي يا عمااار ياديارنا
يعطونا الحليب كرما منهم وبحثا عن الاجر
،،،،،،
ما رأيكم بظاهرة بيع حليب الإبل؟
وبماذا يوحي ذلك ؟

ههههههههه

ذكرتني كنت مره مسافر الجنوب وفي طريقنا يم الطايف لقيت نياق وعندها سوداني يحلب منها ويم رجعت نفس الشي قلت له هذي تدووم وتدووم هههه قال الصيفيه كلها مليانه حليب .
كنت يوم اشوف الناس متجمعين اقول الطايف اهل الكرم ههه
طلع يستاجرها ويضربها ابره تدر لو تبي سنه قدام ههه شي ينعاف .
المهم الزمن ذا صار ماديه الناس صارت مسحووره على الماده وصاروا شحيحين

الله لايجعل الدنيا اكبر همنا .
بس تعرف أنا مستاااااااااانس انه خلك تدفع هههههههههههههههههههه
بس خاوني العلا وابشر بسوي لك خصم

الله اكبر على طول بدى المفعول
يعني القشع وش فيه ولا لبن النياق على قول شاعر
ياحليلك يالبين الناقه============يوم درة وحتلب راعيها
احتلب يلحبيب لي عوده للموضوع لاني شربة كم كوب حليب انياق ومشغول دولواتي والربدي وينه غاطس المطوع

اقتباس:

---

المشاركة الأصلية كتبت بواسطة الجريح

ههههههههه

ذكرتني كنت مره مسافر الجنوب وفي طريقنا يم الطايف لقيت نياق وعندها سوداني يحلب منها ويم رجعت نفس الشي قلت له هذي تدووم وتدووم هههه قال الصيفيه كلها مليانه حليب .
كنت يوم اشوف الناس متجمعين اقول الطايف اهل الكرم ههه
طلع يستاجرها ويضربها ابره تدر لو تبي سنه قدام ههه شي ينعاف .
المهم الزمن ذا صار ماديه الناس صارت مسحووره على الماده وصاروا شحيحين

الله لايجعل الدنيا اكبر همنا .
بس تعرف أنا مستاااااااااانس انه خلك تدفع هههههههههههههههههههه
بس خاوني العلا وابشر بسوي لك خصم

---

هلا خيو
،،،،،
والله اني سألت السوداني وقلت له معقوله الابل هذه
على طول فيها حليب ما تدقونها ابر
قال لا والله نياقنا كلها خواوير( بها حليب كثير)
وحيرانها شوفة عينك بشبك لحال
مره نفك الناقه هذي ومره الثانيه وهكذا،،،
،،،،،
لكن انا أشوف أنه والله عيب
وللشاعر مرير الحبيل قصيده نزلت بأحد الاشرطه بخصوص هذا الامر
،،،،
شكرا لمرورك طابت اوقاتك

للأسف اصبح حليب الابل تجاره لدي ظعفاء النفس يبيعونه بملغ بخس

اعرف كبير بالسن يقول حليب الابل والماء المفروض مايبعونهم ولايتاجرون به


ابو حمد 3 كواب حليب والله لااردها لك

اشكرك

اقتباس:

---

المشاركة الأصلية كتبت بواسطة علي محمد العقيص

الله اكبر على طول بدى المفعول
يعني القشع وش فيه ولا لبن النياق على قول شاعر
ياحليلك يالبين الناقه============يوم درة وحتلب راعيها
احتلب يلحبيب لي عوده للموضوع لاني شربة كم كوب حليب انياق ومشغول دولواتي والربدي وينه غاطس المطوع

---

ياحليلك يالبين الناقة *** يوم درةإحتلبها المطوع