حُـب .. على قيد الحياء

.


.

الشعر شباكك إذا الكون حاكِمك=إفرد جناح البوح والصمت خلّه
الصدر قصر الروح .. والفكر خادِمك= إظهر بأجّمل ثوب سيّد وحلّه
وضّح قناعاتك لو الوقت يشّتمك=بافعال ناسٍ مبدئك تستغله
لذا أبكتب هالبساطه وفهِّمك= لو إن صدقي زوّد الطين بلّه
ماجيتك أسحب عتمة الذنب وأنظمك = جيت ومصابيح الوفا مسفهله
لا ما يجيب القلب قولة : ( بخاصِمك)=العلم أكبر من لظى الشوق كلّه
لاْني أحبك صدق .. أرفض أكلّمك =واوصل لشيٍ يستحي من وصل له
لاْني أحبك صدق . . مابغى أسلّـمك = لـ يدين وزر وصدر خوف ومذلّه
حَرمت قلبي منك قدام ماحرِمك = زول أجوديٍ تستبيحين ظلّه
للحب .. أقصِر خطوة إبليس وأكرِمك=ماعيش بابٍ تاصلك منه زلّه
ماهو أنا من أجمعك شوق .. ( وأقسِمك=وقت السهر بأذان صُحبه وشلّه
لاااا إنتي أكبر من جنونٍ يداهِمك=أكبر من الرغبه على صدر علّه
وإن كان شعري عن عفافك يساوِمك= ملعووون هذا الشعر دِقه وجلّه
دامي ظما . . ليه بسرابي أعشّمك ؟ = وأنا بيديني عقد أمري وحلّه
أعشقك حد الموووت .. لكن بعلّمك= إني ماحبك قد خوفي من الله

.



.

حظور (1) لهذا الابداع

صح لسانك وسلم بنانك ابو شهد

على عجل

ابداع اخوي الله يعطيك العافيه
تقبل مروري

وإن كان شعري عن عفافك يساوِمـك //// ملعووون هـذا الشعـر دِقـه وجلّـه

بارك الله فيك وكثر من امثالك
اخ محبك لك

أحمد دائماً ما تخجل مفرداتي بالرد على معانيك


فقط أتيت لأطرب ناظري ومسامعي بجديدك يابو شهد


أطيب المُــنــى ،،

سلمان العرادي

اخي الشاعر العذب احمد عايد

حضرت ويحضر جمال الابداع معك يا احمد

تحياتي وتقديري لك

الله يوفقك