والله انـي شـفـت مــالا يـصـدق بالعـيـون = شـفـت مــالا يستطـيـع الـبـنـادم يقـبـلـه
في زمان العولمـة والفتن واهل المـجـون = الـمـبــادي والـقـيــم والـعـوايــد مـهـمـلـه
فـي زمـان العولـمـة صــار مــالا تعلـمـون = وان حكينـا مشكلـة وان سكتنـا مشكـلـه
آه لـو عـن كــل مــا صــار فيـهـا تعلـمـون = مخطـر ان البعـض بعـض المعرفـة تقتـلـه
لا متى نبقـى علـى الوضـع هـذا صامتـون = والله انــــي بـاتـكـلــم وافــجـــر قـنـبـلــه
الشـبـاب اصـبـح ضحـيـة وحـنـا غـافـلـون = مـا عرفنـا حالهـم غيـر فـي آخــر مرحـلـه
الـشـبـاب احـوالـهـم تـائـهـون وهـائـمــون = حـالـهـم يرثـالـهـا غـربـلـة فـــي غـربـلــه
عايشين احلامهـم فـي فلكهـم يسبحـون = ليـن صــارت حالـهـم بهـذلـه فــي بهـذلـه
عايـشـيـن ايـامـهـم يـاكـلـون ويـشـربــون = فـي النـهـار رقــود واللـيـل كـلـه صـهلـله
والله اعلم في دجـى الليـل مـاذا يفعلـون = مشتبه فـي وضعهـم فـي أماكـن مقفلـه
عايشيـن بـلا هـدف يسرحـون ويمـرحـون = لا قضـو شغلـة ولا فـي يديـهـم مشغـلـه
المصحة تشتكي واشتكت بعض السجون = غيـر هـذا الخـافـي اعـظـم وحـنـا نجهـلـه
الـولـد يسهـرمـع الـلـي بسـنـه يسـهـرون = كــل مـاهـم يفعـلـونـه طبـيـعـي يفـعـلـه
راحـت ايـامـه ســدى والقـيـم لا تسـألـون = مـا عـرف فـي دنيـتـه لونـهـا قـيـد انمـلـه
مـا تجـيـب الا الفـشـل خـوتـه للفاشـلـون = عـاش عمـره مـادرى عـن علـوم المرجلـه
والبـنـيـة حـالـهـا ان لـهــا لــــم تــدركــون = اخطـر من اللي علـى بالكـم في مجملـه
الله اكـبـر لبسـهـا مــا تـعــدى البنـطـلـون = مذهـله فـي مشيهـا فـي خطاهـا مذهلـه
همهـا وشـلـون تـجـذب لنـظـرات العـيـون = وان مـشـت جوالـهـا فـي يـديـهـا تنـقـلـه
تتبع الموضة علـى كـل شكـل وكـل لـون = وآخر الموضة علـى الهـوت ميـل مسجلـه
مـن هـو اللـي قدهـا ايملهـا رمـزه فـتـون = قـمـة الأبــداع فــي كــل مـوقـع ترسـلـه
الشـبـاب اصـبـح ضحـيـة وحـنــا نـائـمـون = فـي زمـان العولـمـة والسنـيـن الممحـلـه
اولـيـاء امـورهـم فـــي سـبـاتـاً يعـمـقـون = والمصيبـه لـو صـحـو مــا يحـلـو مشكـلـه
وان عرفـتـم حالـهـم مــاذا انـتـم فاعـلـون = هـل حللـتـم مشكـلـة ام تقـولـو معضـلـه
فــلــذات اكـبـادنــا لا نـدعـهــم يـنـتـهــون = كــل مــا فــي وسـعـنـا لازم انـــا نـبـذلـه
بالتفـاهـم والتنـاصـح عـسـاهـم يعـقـلـون = بالـتـعـاون لجـلـهـم كل صـعــب نــذلــلــه
هـــؤلاء ابـنـاءنـا مــــا رضـيـنــا يـغـرقــون = فـي وحـول العولمـه فـي بحـور المهـزلـه
كـل مـنـا مــا جـهـل زيـنـة الدنـيـا البـنـون = كيـف نحيـا دونهـم فـي السنيـن المقبـلـه
يــا شـبـاب اقـولـهـا لـــو عـلـيـه تـزعـلـون = حالكم في وضع مزري عسـى اللـه يعدلـه
لا صـلاة ولا تـقـى كـيـف انـتـم عائـشـون = يعـلـم الله حـالـكـم يمـهـلـه مـــا يهـمـلـه
كلمتـيـن اقولـهـا لــو لـهـا مـا تسـمـعـون = واجـد اللـي مـا عتبـر ليـن اكلـهـا مفلفـلـه
ادعـو الله بالـهـدايـة عـسـاكـم تـهـتـدون = والدعاء من قلب صافي عسى اللـه يقبلـه
