الحريم الي بيدقون شبابيك سيارتكم ..؟؟

:||angr|: حبيت احكيلكم عن موقف صار لي امس في الشارع التجاري بالدمام لخواتي بالدمام عشان تنتبهون
كنا رايحين هناك ادور سجاد ابغى اشتري ومالقيت شيء عجبني ورجعت السيارة لحالي انا وولدي
وزوجي راح يشتري مويه
شوي اشوف حرمه تدق على القزاز
استغربت وفتحت لها قامت تدعي وتطلب فلوس وكانت تحاول تتكلم لهجتنا بس من كلامها عرفت من اي دولة هي عطيتها من ماعطاني ربي
وراحت ورجعت مره ثانيه ودقت على القزاز وفتحت لها قالت افتحي الباب استغربت انا فتحت شوي
الا هي حطت يدها وتسحب وانا خفت وصرت اسحب وهي قويه
فتحت الباب وصارت ترش بخاخ وانا غمضت عيوني حسيت زي النار فيها
ومعاد شفت شي اتذكر اني ماسكه الباب
والحمدلله على جية زوجي
شافها ماسكه الشنطة وتبغى تاخذ ولدي مدخله راسها من ورايه هو واقف ورى صغير عمره سنه و10 شهور
على طول مسكها واتصل على الدوريه
وهي تصارخ وانا في خبر كان
كاني نمت
وجات الدوريه ومسكتها والشرطي حذر زوجي وقال صاير الخطف كثير بهذي الطريقة
والحمدلله عدت على خير
انا فصلت تقريبا ساعة ولما فقت الا احنا في الطريق رايحين المستشفى
وقام يعطيني محاضره هذولي اللي تحزنين عليهم شوفي اش كان بيصير ومن هالكلام
اخذت قطرات لعيوني والحمدلله انها عدت على كذا
من امس في الليل ماقدرت انام وابكي واطلع في ولدي ماكأني اشوفه
ماني مصدقة اللي صار
يااخوات انتبهوا الدنيا اتغيرت
حسبي الله فيها
الله لايوفقها لاهي ولا امثالها
ياليتها كانت تبغى الشنطة اللي مجنني اش تبغى في ولدي الله لايوفقها

المشكلة اني ماكنت أءمن على ولدي حتى مع ابوه
استحاله اخليه
ولو فرضا راح معاه تلاقيني كل شوي اتصل عليهم
واخرتها كنت راح اتسبب في خطفه بسبب غبائي
انا نفسي اعرف بس ليش رجعت فتحت لها الباب

** تحياتي**

الله يحفظنا بحفظه
مشكووووووووور على النقل يا ماجد الإبداع

اقتباس:

---

المشاركة الأصلية كتبت بواسطة عبــ أبوذراع ــدالله

الله يحفظنا بحفظه


مشكووووووووور على النقل يا ماجد الإبداع

---

اشكرك اخي عبدالله وبارك الله فيك ولك تحياتي