قمت ادور للفرح من كل باب

قمت ادور للفرح من كل باب = قالوا بيبان السعاده مُقفله

صاير عندي الخطاء مثل الصواب = والصواب بهالزمن من يجهله
الامل صاير مثل طرد السراب = والياس في وسط كفه يحمله
مصيري ما بين هالعقرب والداب = وانت اللي في قولك تقدر تقتله
هيبوني وانا شديدً ماهاب = حملوني حملً من هو يحمله
العقل يمكن على درب الذهاب = والجنون اقرب لعقلي يكمله
والذياب ان ضااقت تبحث عن ذياب = والذيب ليتك من مكانه تنقله
يا صريصري جيتك ما عندي زهاب = كود الدفتر والقلم والاسئله
القصيدة تعتبر مثل الخطاب = دون وارد دون صادر يرسله
جيتك بنفسي مثل كل الشباب = ومن تعنا لجلك عصبً تهمله
قالوا خيرك جاريً مثل السحاب = والمطر من زود خيرك تدبله
الصعاب بعيوننا ماهي صعاب = دام عينك اخسفت بالمنزله

وقمت ادور للفرح من كل باب = قالوا بابك محدً يقدر يقفله

:|for you|: :|for you|: :|for you|: :|for you|:

قمت ادور للفرح من كل باب = قالوا بيبان السعاده مُقفله

صاير عندي الخطاء مثل الصواب = والصواب بهالزمن من يجهله

الشاعر/رشيد الفاضلي
صح بدنك وجاد بيانك
قصيده جزله من جزل
ولا تحرمنا جديدك

/تحيتي وتقديري\
_صدى البوادي_

اخوي / نايف مقبول العمراني .

صح بدنك وبيض الله وجهك .

يعطيك الف عافيه على مرورك يالخوي .

.............

اتمنى تنسيق القصيدة من قبل المراقبين .

............

وبيض الله وجهك مره ثانيه اخوي نايف .

صح لسانك

وكل عام وانت بخير

صح بدنك اخوي / عبد العزيز العرادي .

وشاكراً مرورك يالغالي

.............

ملاحظه / مر على الموضوع اكثر من شهر .. ولا مراقب نسق القصيدة .. رغم طلبنا منكم تنسيقها .

الخلل وين .. ما ندرري .

صح السانك والى الامام