في عيون الحب شفناك الغريق = ومن يحب يحب بالدنيا الشقى
شوف قلبي إمتلا جوفه حريق = قلي يا عمري دخيلك وش بقى
كان يمشي في طريقة بالطريق = شافني امشي على وضح النقى
قال هذا اللي يبي يصبح صديق = من هقى فيني فديت اللي هقى
جيته بقلبً ملاه الوقت ضيق = هو لقاني ضايق وضيقه لقى
روحي اللي في حلا روحه تليق = معلقه فيني وفيه معلقى
ساقني حبه وبل الروح ريق = قال لي تكفى يوم انه سقى
مابي تنساني وانا قلبي رقيق = واثقً فيني وانا عطيته ثقى
لين غاب سنين والنجم البريق = ارتقى نجمً على غيره رقى
ثم عاد بدمعة الصوت الشهيق = لين خدي من دموعه اغرقى
قال أحبك سامح القلب العميق = بالجروح اللي لفت بعد اللقى
قلت مسموحً وانا جوفي حريق = قلي يا عمري دخيلك وش بقى
