القصيدة الثانية بحفل بلي للشاعر بشير عرابي الخولي البلوي

بسم الله الرحمن الرحيم

هات القلم والبوك واكتبلي اكتاب=الجاش هاض وزان بدع المثايل
قريحتي تملي علي كل ماطاب=وسجلت من جاشي بيوت(ن) جزايل
يامرحبا بالي لفونا من الاصحاب=من حرب ولا مطير واعيال وايل
وبني تميم وعبس واللي لنا جاب=قحطان وعتيبه وكل القبايل
وقبيلة الجهنان يحسب لها احساب=ربعي قضاعه طيبين الفعايل
قلته وانا بديار نزهين الاشناب =شمر خوالي محتمين الدبايل
معهم ربيت ومعجبن فيهم اعجاب=عمي وابويه والجدود الاوايل
اهل بيوت مايسكر له ابواب=ياماهفا بصحونهم من جلايل
خوالي اللي علمهم وصل الاجناب=هل الصخا يوم المعوشه قلايل
واخر كلامي ياعريبين الانساب=ارجو السموحه كان بالهرج مايل
وقلته وانا من بين ربعي والاقراب=مواطن سعودي والاقامه بحايل
وختامها صلو عدد مالهوء هاب =على رسول(ن)خص بزكى الرسايل

صح لسانك يالشاعر الكبير بشير البلوي
ويعطيك ألف عافية يلي نقلت هذه القصيدة

صح لسانك وسلم بنانك على هالقصيدة الجزله

اطربت مسامعنا بها

أطيب المُــنــى ،،

سلمان العرادي