الســلام عليكم ورحمة الله وبركاته
غريب فى بلدى - ياما نفسى أموت فى بلدى
على فين رايـح يا فلسطيني ...
هاجر بلـدك لمين
إياك تقول ولا عمرى هيغلبني الحنين
لا....
واللى خلق الخلق ما راح تبعد سنين
لازم بـُـكره ترجع هنا تاني
صدقِت لما قالت
ما لحظه تقدر تنساني
دموعك تسيل على خد الفرح
تنزف غربة قلب اللى انجرح
على اللى فات من عُمرك حزين
تايه .. غريب فى البلاد
تفتش عن لحظة حنين
ولا عمرك هتلاقى الأمان إلا فى حضن الطيبه أمك
مين غيرها ليك تفرد دراعاتها تحضنك و تضمك
يا فلسطيني
فلسطين ... بلدى
أهلها فى ملامحك
كلنا من
أم واحده - دم واحد
حزن واحد - فرحه واحده
دواره الأيام قــٌـلبات طواحين
والغــُربه نـــار
فى قلب العمر تنسرق منك سنين
تأسى الأيام علينا مهما تأسى
يمكن من أللمك وحزنك لحظه تنسى
بس هى فاكره ولا عمر الأم تنسى
تنادى بعلو صوتها
يا أعز الولد ولـد ولادي
نلبى الندا
فداك الفدا
تهوى النفس ليكي
مأنت مولدى و مماتى
ضحكـتى و أهااتى
ولا عمرك هتلاقى الأمان إلا فى حضن الطيبه أمك
مين غيرها ليك تفرد درعاتها تحضنك و تضمك
لملمى الحيرنين
فى ليل الوحده الحزين
أصرخى يا بلدى
فى المدائن متغربين
يتجمعوا ولادك الطيبين
الغريب منــِك والبعيد
لحضنك مشتاقين
قول معاى يا فلسطيني خليك هنا
قول يا بلدى ...
يا أمى ومن غيرك لنا
قول ..
انا مش غريب
ولا عمرى هندفـن فى الضلمه وحيد
كل حبة رمله فى أرضنا
عود برسيم
فرط العنب
إن شا الله حتى كيله واحده من قمحنا
احنا أولى الكل بحقنا
لا عمرنا هنهجر أمنا
ولا هيغـفل فى الغربه جفننا
لا راحه ولا لحظة رضا
طول ما احنا بعيد عن أرضنا
طول ما الأندال
بيبيعوا فى عرضنا
مش مهـم مين أشترى
أصل التمن رخيص ولو زاد الغلا
نيل وأرض وخصخصة
غرسوا الحزن فى ابتسامة فرحنا
شوفنا أيه .. إزاى
عجب العجاب
ده الاوساخ باعوا حتى الهوا
ابن اسرائيل وأخوك
طمعان ولو فى دمعة فجرنا
مهو الحق فى الأصل مش عندنا
ما لقوش غير عبد الظلم
الخاين بيبيع دمنا
زمن كان ماشى بالمقلوب
ينضحك علينا ..
نفرح
والله عليك احسنت
ننسرق بأدينا
رضينا الصمت
نهتف للخير
بصوت مبحوح
نهتف من قلب
مات مجروح
اندفن مع كلمة حق
فى قبر ظلم ورواح
وأتاريه ميت
مقبوض من دهر
من الخوف والقهـر
صبحت بطون الأمهات قـبـر
ما بينولد منها الحـــر
لكــــن ..
بشرفك يا بلدى
من اليوم وبكره
وقبله من امبارح
ما فيش غير النور
ولا عوده للخاين اللى رايح
. . . .
هنا ولادك الطيبين
واقفين بدرع الحق متنبهين
وسهام فى قلب الطمعيين
أنا الجندى الفلسطيني العظيم
أنا المقاوم
فى أرضك الطيبه أروى
ولو عرقى كد
راح أرويها بدمي
تطرح شبابك الجدعان ....
الأسم فلسطيني
الخير لوطني
حلمى اسمٌع الكل بنصرى
ماهو فى الأصل خصرى
لعود الربيع مهما انحنى
لازم هيجى يوم الحق ينفرد
طالل لفوق عالى ناضر للسما
رافع هامته
بيده السيف
يدبح الظلمه
أصحاب الكيف
يمحى الكفره بحُبك
أهل الزيف
وكفايا نشوف كام واحد ماتوا بلاش
كان أولى الخسيس يندفن
والحق هو اللى عاش
أشتقت اليك
فهل من نظرة لتطفىء نار الفؤاد
أشتقت وبحثت أما ....... من لقاء بعد الفراق
نجتمع معا ونستظل بحبنا المشتاق
نمتطى حصانً ابيض ُُُُ ُ ........ يعلو بنا ما فوق السحاب
لأقطف لك من النجوم تاج على الجبين ينير
فتكونى أنت سندريلا وأنا الأمير
