الدمعه اللي ماعليها جحودي
يوم انزلت ما الومها عقب الاجهاش
سود المصايب محرقات الكبودي
عجلات وسيوف القدر وردن عطاش
الأوله هزت شموخ الصمودي
واللي بعدها خلت الراس ينداش
نبكي على سنيان وحمود سودي
قدام يبرى جرح سودي وعياش
نوادر العوده سلايل جدودي
عز الله ان فراقهم يحرق الجاش
اللي بهم يوم المفاخر نزودي
من طيبهم يفخر بهم كل شواش
صكن عليهم مظلمات اللحودي
والعلم عنهم مايجي فيه طراش
ياوجد حالي بعدهم ياوجودي
وجد الشجيع اللي بني عمه اوباش
حطوه في وجه الخصيم اللدودي
وكلآ رمى سلاحه من ايديه وانحاش
لو نتوجد كثر رمل النفودي
كشف السجلات انطوى طية فراش
لكن الوكاد انا وراهم ورودي
قضا الله وقدره مثل لمح الارماش
العمر لو طال الزمان محدودي
نرحل عن الدنيا وراس مالنا شاش
صح لسان الشاعر / مقبل بن سليم الميهوبي البلوي
والله يرحم العميد حمود سودي
الذي كان مفخره لكل بلوي
تحياتي لك اخي
وافي زيدان الميهوبي
بادره طيبه من الرجال الي مثلك وشروك
دمت بحفظ الرحمن :|for you|: :|for you|:
