يعني يوم الخميس 29\11\1429
فيه واحد جاي من وادي الدواسر
وده يتفرج على السيول في صبخة القصب
اللي تجيك قبل القصب على اليسار وانت جاي من الرياض
المهم الرجال وقف سيارته على جال البحيره ونزل يتمشى
مادري الا الماء وصل سيارته
حاول يطلع لكن الجيب يقول اتحداك تطلعني
كفراته صارت تدور في الطين
تلاحظون الزمزميه ؟؟
شكلهم وسعوا الصدر عند الحراثه
مسيكينه هالحراثه
راحت فيها
هالحين الحراثه تقول
طلعوووووني وش لقفني اجي فيذا
المهم أشروا لراعي سقس على الخط وجا يبي يسحب الحراثه
وكانت هذي النتيجه
وهذي صورة ولاحظ قرب خط الزفلت
وعرفوا ان الموضوع يبي يطول والدليل ترمس المويه!!
من شفت الطاسه اللي حاطها ورى وانا غاسل يدي
المهم قالو الحل الأخير هو الاتصال بالدفاع المدني وقامو وزينوا الشاهي بعد ما خلص الشاهي اللي في الزمزميه
وقعدو يتقهوون بالبريق اللي قدامكم
وفعلا جا الوايت علشان يسحب هاللي غاطسين
وتركو الجيب والحراثه والسقس والدركتل
وحاولوا يطلعون الوايت
شكل السواق توهق وانواع الجزاءات بتطبق عليه
وحاولوا كثيراً بدون فايده
يوم انهم عجزو قالوا ما يفل الحديد الا الحديد
جيبوا ابو جنزير
ويجيك يتمخطر ويضحك على هاللي غاطسين
لكن جاه ماجا ربعه
تعلق اخينا في الله وقال هذا مكاني
وجابوا عمال البلدية يحفرون له وحطو له خشب يبونه يطلع لكن ما فاد
وبعد ما استفادو من الدرس اللي تكرر عليهم في الجيب والحراثه والسقس والدركتل والوايت وابوجنزير
قررو يسحبونها من بعيد
ربطوا عدة وايرات في بعض وطلعو ابو جنزير ويقواون ان الدركتل اللي سحبه على الزفلت
هههههههه الصبخة ما يلعب معها على الزفلت وعساك تسلم
والحمدلله على السلامه
هذي صورة للموقع من بعيد
يستفاد من الموضوع
1- لاتهايط اذا شفت السيل
2- حاول تستفيد من اللي توهقوا قبلك
3- مهوب كل من اتصل بالدفاع المدني يبي يطلع
:||angr|:
