قصيده لي عن( شر الحسد)

هذه الأبيات كُتبت من واقع التجربة لكون بعض الناس يغتر ببعض الأقارب والأصدقاء ويظن بهم الوفاء ولكن يتبين له عكس تصوره

الـصـاحـب اللــي بان لك كل خـافـيــه = جنب عنه واسلك طريق السلامــــه
لـونـك مـن السابق تــحـبـه وتـغـليـــه = لا تلـحق المقفي حسوف ونــدامـــه
خـلـه على ممشاه مالك غـرض فيــه = كـونـه رحــل وإلا مـبنـي خـيــامـــــه
ومــن لا يــداري خــاطــرك لااداريـــــه = ولا تـجـامـل اللـي ما يـميز كـلامـــــه
وشـر الحسـد مـالـه طـبـيـباً يــداويـــه = مـن خلـقـت ابـن ادم ليوم الـقيامــــه
ابـلـيس خــطط لـه وسيس مـبانـيـــه = وقـابـيل نـفــذها وحــقـق مــرامـــــه
يا ليــت للـكـذاب وســم عــرف فـيـــه = ويـبـقى على وجـهـه دليـل وعلامـــه
مـن شان راع الـصدق ما ينـخدع فيــه = في زيـن منـطوقه وحسن ابتسامــه
والي خــذ المـطلـوب شانت طواريـــه = يا ســرع عنـك لـفـتــه وانــهـزامـــــه
لـوهـو قـريباً مـنك والــعيـن ترعـيـــــه = مثل السراب اللـي تلاشـى عسامــه
والـي عـملت الطيب في غير راعيـــه = عـلـيك مــردوده يــعــــود مــلامــــــه
وهـذ ا كـلامي واضــحاً في مـعـانيـــه = والـناس تـعـرف كـل رجــل ومـقامـــه

تحياتي ابو محمد :عوده محمد غانم العرادي

والـي عـملت الطيب في غير راعيـــه *** عـلـيك مــردوده يــعــــود مــلامــــــه
صح لسانك اخي ابومحمد اعجبتني القصيده جدا"
يا ليــت للـكـذاب وســم عــرف فـيـــه *** ويـبـقى على وجـهـه دليـل وعلامـــه
ياليت

ابيات راقيه كصاحبهااا
ننتضر جديدك بكل شغف
دمت في امااان الله

صح الله لسانك ولسان الشاعر عودة محمد العرادي


قصيدة جزله فيها الكثير من الحكم والنصائح


أطيب المُــنــى ،،


سلمان العرادي

*

جزل جزل والرب

لله درك يا أبو محمد

أبيآت تطلي بالذهب

أمتعتني وأرويتني شعرا

صح نبضك وكلك

:)

شكراً للجميع على المرور العطر.

يا ليت للكذاب وسم عـرف فيـه

ويبقى على وجهه دليل وعلامـه

من شان راع الصدق ما ينخدع فيه

في زين منطوقه وحسن ابتسامـه

اخي ابو محمد : الله يمتعك بالصحة والعافية 0 اعجبتني القصيدة وجميلة

وهذين البيتين حكمة 0 بليغة 0 بارك الله فيك وشكرا لك على الافادة