قصيده لشاعر محمد السديري.... والرد عليها
هذه قصيده لشاعر الامير محمد احمد السديري في عام 1386 هـ بعث من جيزان حينما كان
قائداً للجبهه هناك بالقصيده التاليه يسأل عن صديقه زبن بن عمير ويداعبه في بعض الابيات
ياعمير خبرني عن العود هو تاب = وقضب طريق ملفلفين العمامة
واعرض عن الزينات تلعات الارقاب = وعود معيف وطالبن السلامة
والا يصافح لأجلهن كل مرقاب = وعلى هوى قلبه تشيله اعظامة
منولٍ سرحان عادي ونهاب = ودايم من الغارات تنظف الكامة
واليوم مادري ايش جراله بالاسباب =ماعاد نسمع بالعذارا غرامة
والحروه انه قاري فروة الرب = وحتى خرزها ناظمه في حزامة
لو هو يتم الخمس في كل محراب = باقن بقلبه من هوى البيض شامة
الله يخون البيض غضات الاشباب = حطن في هاك البراطم علامة
قله نبي منه البراهين بكتاب = وحنا نميز غايته من كلامة
وياعمير قله مانسيته ولا غاب = لو كان بالعارض وانا في تهامة
رد صديقه زبن ابن عمير ( ابو عمير )
ياشيخ ياحلال عسرات الانشاب = ياللي حويت المرجله والشهامة
مادام تنشدني عن العود هو تاب = ومسك طريق ملفلفين العمامة
أفيدك إنه تاب للرب وأناب = وأظهر على ما فات منه الندامة
غض البصر من يوم شاف الشعر شاب = وخلا طواريق الهوى بانهزامة
ما عاد له بملاقف الصيد مضراب = لو يعترض قدام عينه نعامة
العود يوم انه يبا الصيد ماهاب = يلقف لهن مع كل نابي علامة
وليا نوى ماهيب تنهار الاعصاب = يسطى الى هاب الذليل الجهامة
واليوم تاب وخاطره بس ماطاب = الى ذكر بالكهف رفع اللثامة
ودة بطرد الصيد مع كل مهذاب = لا شك خالً الفشق من حزامة
ويخاف تال العمر من عضه الناب = ثم تصبر مع العلامه علامة
ودمتم بخير
اخوكم
احمد عبدالله البلوي
