أبـــو قــاسم ينعــــى والـــــديه

بسم الله الرحمن الرحيم

يا دق قلبي دقت الهيم بالبير=الهيم قاع البير والحبل جره
يارد ويصدر ماسكاته مسامير=تطحن طواحينه خلاخيل حره
يحن قبي حن بكار مصاغير=حيرانهن تاهن على خبت بره
وانا ما أملك غير الحزن والعابير=مالي حيله بالقدر مثقال ذره
عيني تهل الدمع بالصبح وعصير=زمان كل(ن)ذاق حلوه ومره
الموت حق ولا به رحمه وتوفير=محدن من المخلوق يرد شره
يا والديني ماتفيد المعاذير=العذر ماياتي بربح ومسره
أن كان جتكم مني هفه وتقصير=سامحوني عند الرب مليار مره
من بعدكم نبتت بقلبي دواوير=شهبى وغبرى وحر ياحر حـره
والعبد ماله عن مقسومه مخامير=بالقرى ولا في صحاحيح بره
يارب تجمعهم بالجنه على خير=بقصر من الفردوس عندك مقره

حامد عوده سعد المنصوري