احنا كـــــــــــــــــــــــذا !!!
احنا كذا نندم على الشيء لافات
قبل الندم وشلون فاتت علينا
***
أحنا كذا في لحظة الجد لاجات
ندري بها ونقول لون درينا
***
أحنا نقابل لحظةالهرج بسكات
وحتى ان حكينا ليتنا ماحكينا
***
اصواتنا فيها من الحزن نبرات
نوعد ونخلف وعدنا ماوفينا
***
كم في جسدنا يا هل الدين آهات
كم مرت(ن) من ظلم كفر انكوينا
***
هيهات والله يا هل الدين هيهات
ياويلنا منهم اذا ماصحينا
***
ان ماتحد شعب العرب والحكومات
وان ما مسكنا ديننا واهتدينا
***
واذا شباب العرب ماحدث الذات
وان مافهمنا ديننا ورتوينا
***
وان ماعرفنا قصدهم بالقنوات
وان مانهينا نفسنا وانتهينا
***
وان مافهمنا لعبة النت والشات
وان ماعرفنا الصح منه وخذينا
***
في طاعة الرحمن رب السموات
وبسنة محمد اذا ماقتدينا
***
رحنا ضحيه ياعرب للخواجات
لاوالله الا ياعرب وانطوينا
***
تاريخنا اللي مرصع(ن) بالبطولات
يبكي علينا مثل ماحنا بكينا
***
حنا لنا في ماضي الوقت صولات
مجد(ن) تلاشى من تكتف يدينا
***
وش فائده نندم على الشي لافات
قبل الندم وشلون فاتت علينا
من اشعار المبدع /عبدالله عيد العرادي
رد: احنا كـــــــــــــــــــــــذا !!!
قمة الإبداع
صح لسانك يا ابوعيد [ السفير ]
عبدالله من شعراء الوجة الشباب الذين لهم مستقبل باهر بإذن الله
توفيق لاهنت يالذيب
رد: احنا كـــــــــــــــــــــــذا !!!
تحيااااااااااااااتي لشخصك الراااااائع
وومثلها للشاعر المبدع أبو عيد...
ولا تحرمنا..
أطيب تحياتي,,,
رد: احنا كـــــــــــــــــــــــذا !!!
اقتباس:
المشاركة الأصلية كتبت بواسطة قلـــ الكرـــبي
قمة الإبداع
صح لسانك يا ابوعيد [ السفير ]
عبدالله من شعراء الوجة الشباب الذين لهم مستقبل باهر بإذن الله
توفيق لاهنت يالذيب
الله لايهينك .اسعدني تواجدك العطر ,
يبلغك السلام ابوعيد
رد: احنا كـــــــــــــــــــــــذا !!!
اقتباس:
المشاركة الأصلية كتبت بواسطة سلطان خلف السرحاني
تحيااااااااااااااتي لشخصك الراااااائع
وومثلها للشاعر المبدع أبو عيد...
ولا تحرمنا..
أطيب تحياتي,,,
ياهلا والله , نورت الصفحه
شاكر لك المرور العطر
رد: احنا كـــــــــــــــــــــــذا !!!
تحيااااااااااااااتي لشخصك الراااااائع
وومثلها للشاعر المبدع أبو عيد...
ولا تحرمنا..
أطيب تحياتي,,,
