بـرق ياللي شمال الخــرج..

برق ياللي شمال الخرج ضاوي في الليالي السود والدنيا مطنا
انحدر بشويش يالبرق السماوي بـ(الثليما) طالبك قوم وتثنا
المع وخل المزن همال قاوي يم قبر اللي له الشوق امتحنا
السنين تروح والمشتاق غاوي والخليل يغيب والحجه تونا
بس رغبه تحتضر من كان هاوي بالملاقى لو بعد عمرآ يشنا
وآآآه منها لادعتني المناوي واتمنى المس كفوف اللي فتنا
كم تمنيت اضحك وهو جنبي ضحاوي والشمس تبرد وضحكاته تسنى
وكم تمنيت ابكي على صدره رماوي ويمسح دموعي ويقول الدمع سنا
بس قلبك لايعكره المساوي هاذي الدنيا وكلن ماتهنا
لاتخافي جعل روحي لك فداوي وارتجف واقول بعيد الشر عنا
راحت ايـــام المناوي والهقاوي وصارت الضحكه علي اليوم منــا
لاذكرتــه دق قلبــي دق شاوي اللي عياله على ماله شونــآ
سلمـوه الدار ودار العجـز كاوي لمثل شايب على رزقــه تعنا
جعلــهم لسيل يوم السيل هاوي ومن بعده لدار حقـآ مايفنا
مثـل دقـه لاذكرته فيه شاوي الخفــوق اللي على فرقاه حنا
ذاك ابو ماجــد سديد الراي حاوي كل من حوله بشوقـا مايجنا
جعـل همال المــزن يهل راوي ويرتوي قبــرا به الغالي سكنــا
وجعــل برقا لامعـا للخـرج ضـاوي يحتضــر في كل ليله مايضنـــا


......وسلامتـــــــــــــكم