من حولك عيون للزلات صياده.....وقلوب مثل الليالي سود ومخيفه ...!

السلام عليكم ورحمة الله وبركاته




اسعد الله صباحكم جميعاً وكل اوقاتكم



متواضعه اتمنى ان تنال رضى




.



.

يا الله والدين قبل العرف والعاده=تشريع ... وأعوذ بك من شر تحريفه
رضيت منهاجه استحباب وعباده=ما ودي الصدر يمسي مظلم وجيفه
والشعر دايم يجي من روح قصاده=ويمثل إحساسه .. إن ما تم تجويفه
وأكيد ليت القصايد كلهن ( غاده=المترفه هذي .. وكلن على كيفه
أنا أحْسب أعماق شعري وأحْسب أبعاده=من قبل تركيبه لما بعْد تصريفه
ما همني بالقصيد عيون نقاده=موفي رصيدي ولا به شي أبا أضيفه
شعري جعلت الضمير الحي جلاده=وأكثر همومي هموم كبار ومنيفه
بالمجتمع لي طموح العود بأولاده=واهتم من غيرتي بابسط تواصيفه
وللسان شعري كفلت العلم وإسناده=وللمترفه هذي .. الشعر من اطاريفه..!
هذي نصيحه تلم الشي وأضداده=وأقول فيها بقيض الوقت وبريفه
يا حرف .. يا حرف .. صح الغافل وناده=قله مع النفس يوقف بس توقيفه
خله يعرف أصدقاه ويترك عناده=ترى اخطر أعداه .. ممكن من مواليفه..!
وإذا عصاك وبياض النيه اقتاده=لا تطش همه .. ولا تكسّر مجاديفه
تراه توّه قليّل خبره ..وعاده..=يشرب من الشكل وعيونه مغاريفه
فُطري مفاهيم .. وإنسانيته ساده=ما زوّر إحساسه وكثر تكاليفه
وان شفت لمة وجوه .. تحاول إسعاده=قله ترى ضحكة الرجال .. تغليفه
قل يا سليل الوفا يا تالي أحفاده=احذر من اللي مضامينه مظاريفه
ايّا خوي ارجع لتاريخ ميلاده=وإذا طلع من مواليد الرخا عيفه
ترى الردي لو جلس في مجلس الساده=ديكوره أداة نصب .. وجوهره ليفه ..!
والهيس لو في كلامه فايده .. فاده..!=من يتّبع جرته تكثر تحاسيفه
هرج السعه ما يوسع بال وراده=خلك فَطِن وأطلق الفكر بمشاريفه
تشوف بعض ألسن الأصحاب كداده=وفيهم من لسانه يغطي مصاريفه
كذاب ما يُحسب لعلمه وميعاده=يا حُقْر منزلته .. ويا شين تصنيفه
الكذب زوده نقاص ونقصه زياده=مذموم ويجوز في حالات تأليفه
لا صار خدعه ونار الحرب وقاده=أو صلح متخاصمين وفيه تخفيفه
وأكيد كذبك على اللي عنك نشاده=يجوز صرفه .. إذا الموضوع تصريفه ..!
أما اللي الكذب صاير شربه وزاده...؟=من عزه يسد فاتورة تكاليفه ..!
يا حرف والعلم ثبّت عني أوتاده=ثبّت مضامينه وثبّت تعاريفه
الناس ما هم خرز منظوم بقلاده=أنواع .. ولكل وقت وحال توليفه
والغافل إزهم عليه وحاول إبعاده=عن صحبة اللي ما يرفع سهْم تشريفه
قله وهو شايف إن النذل ما زاده=احذر من العيب لا تاطاك اضاليفه
من حولك عيون للزلات صياده=وقلوب مثل الليالي .. سود ومخيفه ...!

تحياتي

وعليكم السلام ورحمه الله وبركاته

اسعد الله جميع اوقاتك بكل خير

قلـه وهـو شايـف إن النـذل مـا زاده
احذر مـن العيـب لا تاطـاك اضاليفـه
مـن حولـك عيـون للـزلات صـيـاده
وقلوب مثل الليالي .. سود ومخيفـه ...!

صح لسانك ولاهنت يالغلا

قصيده جزله ,, ولك ودي

ابو عبد العزيز


صباحكـ شعر


وشكراً لك على هذا العطاء وهذه الفاتنه التي يحتاج لقراءتها الكل


قصيده شامخه ورائعه بكل ماتعنيه هذه الكلمات من معنا

وحقيه توقفت عند كل بيت

فكل بيت هنا عن قصيده


محمد / باختصار .. أنت شاعر نفتخر بوجودك ويحق لقبيلة بلي أن تفتخر بكـ


من القلب شكراً لكـ وسلمت ودمت ودام عطاؤك

محمد عوده

تحية مع اشراقة كل يوم على هذه الرائعة والمفيده

شاعر يدخل الى قلوب الناس بجزالة كلامه

تسلم يامحمد فأنت الشعر الحقيقي

وفقك الله

الله الله الله 00 من قرأت تلك الفاتنة والباذخة حقاً 00ياسمي
لازلت أردد بيني وبين نفسي 00اتعبت الشعراء يامحمد
الموضوع قد تطرق له شعراء كثر
ولكن هنا الطرح مختلف 00
أقرأ قصائدك بتمعن00كن بخير وشعر

صح لسانك يامحمد ,,

قصيدة رائعة وهادفة ,,

وبإنتظار جديدك ,,

شكرا لك ,, تقبل مروري ,,