للزمان اللي تعـود يبخـل وماهـوب وافـي
للأماني اللي عرفتني مـن كثـر مانـي بغيـت
للهموم اللي ارهقتنـي فـي مجيـي وانصرافـي
للعذاب اللي بلانـي كلمـا نمـت وصحيـت
للجروح اللي غزتني وبيحـت ماكـان خافـي
للظنون اللي لعبت بي كـلمارحـت ولفيـت
للغموض اللي اكتنفني والذهن ماهـوب صافـي
للطريق اللي وطيت اشـواك دربـه ماشكيـت
لاغترابي اللي خذانـي لبعـد حـدودالمنافـي
للسراب اللي أشوفـه واطـرده ليـن ابتليـت
جيتك وحسيت أنا ان الأمْـر خالطـه اختلافـي
جيتـك وياليتنـي رديت أنـا خطـاي وبقيـت
لهفتي ماتت ومـات بموتهـا صـوت ارتجافـي
والخفوق الله يكافـي لابكـى جرحـي بكيـت
بعدحب سنين شلتـه كلـه اسـرار وخوافـي
بعدمااعطيتك عيـونٍ مالحـدغيـرك عطيـت
آآه ماأقساه واقسى احساسي اللي كـان دافـي
ومااقسى وقتي اللي حرم عين العنا طعم المبيـت
كم وكم كنت اتمنى ترجـع اوجاعـي عوافـي
بعدماضاق الزمان وغار بـي جرحـي المميـت
الهدب باسباب بقعا شاخص(ن) ماهوب غافـي
والطريق اللي غفرلي ماغفـريومـي خطيـت
خايفة مستقبلي المجهول لـو يصبـح عجافـي
وخايفة لوقيل بكرة منك يابنـت (اكتفيـت)
خايفة جرح العيـوف وخايفـة هـم يشافـي
وخايفة من شي يحصـل فـي غيابـي مادريـت
كنت احس البرد سيف والقدم دامـي وحافـي
جد انا اللي ارخصت نفسي يومي بجرحي رضيت
بداخلي صوت يقول لمشهـد التجريـح كافـي
يومه يقول لخفوقـي ليـه حبيـت وهويـت؟!
كان ودي انك تثمن رحلـة الشـوق وتكافـي
وكان ودي انك تحـس بخافـق عيـا يبيـت
مابقالي غير جـرحٍ موحـش وليـل وقوافـي
راحت سنيني حسايف مانفعني قـول (ليـت)
الشاعرة / نوض سدير
لامست احساسي فشاركوني روعة قرآتها
