صاحبي شد الرحال
صاحبي شد الرحال ومتجه لديار جده قد طراله عقب عام(ن) ساكنه فالبر طاري
دمعته يوم الرحيل المر تجري فوق خده ضايق(ن) صدره على فرقى الاحبه والدياري
والنظر يم الاحيمر يوم قفت به يحده كنه يودع شجاريه لظليله والحجاري
هز قلبي والمشاعر يوم لوح لي بيده فالوداع ودمع عيني يوم ثار العج ثاري
حالتي من يوم ماقفى بين كرب وبين شده كل مااطفي نار شبت فالحشى عشرين ناري
كل ماحطيت ر اسي يافهد فوق المخده كني اقدح وسط جوف القلب للنار الشراري
هاجت الذكرى عليه والهموم المستبده ولاسرى ليل الهموم ولاتقول الهم ساري
ابن مشحن مايسد من الصحاب احد بمسده دون ننقص من مقامات الرجاجيل الكباري
اجودي(ن) فالكرم مثل السحاب ان مد مده السحاب اللي بروقه في سماه وماه جاري
مشعل ( ن ) ناره وباب البيت مايمكن يرده فاتح البيبان للضيفان في ليل ونهاري
كل ماتملك يدينه شي لصحابه يمده مايماري فالعطيه ضاري(ن) للمد ضاري
ماخذ(ن) من طبع ابوه ووارث من طبع جده والخوال اللي لهم فالناس قدر(ن) واعتباري
ودي احصي كل علم(ن)زين للصاحب واعده بس من يحصي نجوم الليل ورمال الصحاري
ذاك عذري للصديق المتجه لديار جده ليت يقبل صاحبي عذري ويقبل اعتذاري
صالح البلوي
