.
السلام عليكم ورحمة الله وبركاته
هذي الابيات اهداء الى ابني سيف حفظه الله
وعسى ان تحوز على رضاكم
/
ياسيف شب النار والجمر جرهـ
والحق عليه اللي بها الهيل مزلول
صفرا غلاها وسط قلبي مقرهـ
لاشفتها كني على الكيف مذهول
مع ازرقاً خِدّر بقيصوم حرهـ
توه سقاه السيل من وبل هملول
الطيب ماهو بس بالعمر مرهـ
يبغى وليدهـ يحتزم به على طول
الضيف تقديم التحايا يسرهـ
لو مايسب معزبه ودهـ يقول
والديك قبل تقدر الناس برهـ
وأد الفروض الخمس والرزق مكفول
والجار لو ماجاك لازم تمرهـ
وصى عليه المصطفى خير مرسول
والكذب راع الكذب يكفيك شرهـ
عسى لسانٍ ينطق الكذب مشلول
/
وسلامتكم
