وحين تكون مهاتفة غير الحبيب جريمة في شرع المحبين (كما يزعمن الغنادير )
كانت هذه المعاتبه لها
ياهيه يابنـت مالـي فيـك مـن حاجـه =والرقـم هـذا حـاذور انـك تدقيـنـه
خلاص قلبـي عـرف دربـه ومنهاجـه =يابنـت حبـك تـرى سنيـت سكيـنـه
ايـوا الله ابذبحـه واقـطّـع اوداجــه =جرحـي عطيـب ٍ ولا اظنـك تداوينـه
عسى نهار ٍ عرفتـك فيـه مـا يواجـه =عساه ما يعود يومـا سـاق لـي شينـه
لالا ترجيـن قلبـي يـرجـع ادراجــه =ابكـي وموتـي قهـر ذنبـك وتجنينـه
والله لـو تذرفيـن الـدمـع ويـواجـه =الدمـع هـيـن وبكفـوفـك تمشيـنـه
والله لـو شيبـن راسـك مـع حجاجـه =ومن البكا تنصطح كبـدك تـرى زينـه
والله مـا همنـي صياحـك ولا حـاجـه =وش صار يعني بموت من اجل مسكينه؟؟؟
صوني دموعك ياناويتـن لـه احراجـه =ياهيـه بـدري ودرب العـوج تمشينـه
لكـن يابنـت هاكيهـا علـى الصاجـه =حـب الشـرف يالبنيّـه فاتـت سنينـه
